韓國網紅熱捧金橘汁減肥法！3項規則狠減8kg

【韓國】網上瘋傳金橘汁減肥法｜減肥達人Josh & Bamui兩星期減8KG！

【金橘汁減肥法】最近喺韓國興起咗一陣金橘減肥嘅風氣，連明星都用佢嚟溝酒飲減肥！有個韓國YouTuber 用咗兩個禮拜，跟住3條rules 做，14日就減咗8KG！

韓國減肥YouTuber「 

「 Josh & Bamui」係近期於韓國好紅、一個教人減肥嘅 YouTube channel。佢哋會用Kpop同歐美嘅歌曲，再配合舞蹈，推出一系列”只要堅持每日跳一首，兩個禮拜就可以減到10KG”嘅影片。

成個playlist有29首歌可以慢慢揀。

Bamui親自試金橘汁減肥法

Bamui 因為前排每晚都飲啤酒、食宵夜、食甜品，搞到3個星期就肥咗5KG。當佢見到自己體重嘅時候嚇咗一大跳，即刻開始咗金橘汁減肥法，每日堅守住3條rules，用三星期增咗嘅肥，用兩個星期連本帶利咁減番曬！

金橘汁減肥法第一條：中午照常食，晚餐輕食

無錯，唔使跟足餐單，晏晝可以自由配搭揀自己鍾意食嘅，而 Bamui 就揀咗每晚食沙律做晚餐。

金橘汁減肥法第二條：每日做兩個鐘運動

Bamui 除咗跳佢哋自己出嘅 “兩個星期瘦10KG”系列外，仲會跳韓國女團嘅舞，每日堅持跳兩個鐘！

金橘汁減肥法第三條：每日兩杯金橘汁及靈活利用金橘汁整嘢食

終於到主角出場！金橘每100g 先有30卡路裡。而且金橘入面有豐富嘅纖維質，落到肚嘅時候會吸水膨脹、體積變大，令胃部有已經飽肚嘅感覺，減低食慾。最重要係可以抑制體內脂肪形成！但係如果腸胃比較弱嘅話就要小心啲，因為金橘入面嘅酸性比較強，最好溝水飲！

每晚上飲啤酒嘅時間，就飲金橘汁代替。（圖片截圖：조싀앤바믜 Josh & Bamui）

除咗飲金橘汁，Bamui 仲有用金橘汁嚟取代沙津汁、溝Yogurt等。（圖片截圖：조싀앤바믜 Josh & Bamui）

連韓國女團Mamamoo 開Party都飲！

飲酒係韓國人社交活動好重要嘅一部分，但酒又好容易令人肥喎！唔緊要，睇韓國女團身材都知，佢哋Keep fit 有一手，個個都擁有纖腰長腿。喺韓國電視台MBC節目《我獨自生活》中，Mamamoo嘅華莎邀請咗成員去佢屋企開Party嘅時候將金橘汁加人燒酒入面，除咗可以減肥仲話會無咁易醉𠻹！

呢度講嘅卡曼橘即係金橘。（圖片截圖：Viu）

呢種飲法出名到連男MC全炫茂都聽過！（圖片截圖：Viu）

華莎仲話溝燒酒飲嘅話，第二日連宿醉嘅感覺都無！

（圖片截圖：Viu）

參考來源