美魔女林志玲感情路崎嶇，而她選擇不要把今天過得像昨天一樣， 訓練讓自己活得更快樂
333
美魔女林志玲感情路崎嶇，而她選擇不要把今天過得像昨天一樣， 訓練讓自己活得更快樂。 31/08/2018
林志玲已經入行十多年，曾經是熱門話題人物，圍繞她的新聞不斷，感情路上經歷風雨，面對各種負面批評，林志玲會選擇讓自己安靜，趕快將自己整理好，然後選擇快樂，因為佢認為若不斷諗住所發生嘅唔開心事，就如同將每一個今天，都過得像昨天一樣，咁係非常可惜。更話：「快樂不是一種性格，我們不是天生就具有正能量，天生就是快樂的人，但快樂的正能量是可以被訓練的，我們經歷了生命中那麼多的磨合，以及困惑之後，應該要慢慢擁有這個能力。
「我每天早上起床的時候，都一定會讓自己重新歸零，我覺得當你每天都是帶著微笑起床，你的身體裡自然就會有一種正面的能量。」
每次風雨過後，林志玲雖然會眼眶含著淚，但依然會將嘴角漾開露出笑容。林志玲始終覺得自己喺依個圈子十幾年來唯一嘅存在理由，係擁有能夠幫助人嘅影響力，因此佢喺十年前創立咗「志玲姊姊慈善基金會」，因為佢覺得從大家身上得到嘅太多，所以佢亦期望自己能夠做給予嘅一方。
林志玲話喺親情、友情或係愛情嘅道路上，每個人都一定會經歷跌跌撞撞嘅過程，於是要去點樣好好修護自己嘅心，好好盡全力咁去擁抱愛，係每個人都必須要面對嘅課題。
「面對人生不斷的變化，女人要有能力喜歡自己，選擇快樂。人生有很多事情，其實都無法盡如你意，會有各種磨難，要用時間跟經驗去換一些失敗才會成長。」
要學習修復受傷嘅心，然後慢慢延展，到最後變成一個大愛心和小愛心。生活裡其實有好多人都需要你多一份嘅關心、多一份嘅給予和多一份嘅愛，而人最大嘅信仰，其實就係愛和寬容。
林志玲清楚自己所做每件事嘅初衷，佢話人難免會喺長大嘅過程中失去好奇、失去冒險嘅感覺，給予自己一個框架，限制咗自己，但請記住永遠唔好忘記希望嘅感覺，因為人要有希望，先會變好，先能夠忠於自己。
Text: POP-OL Editorial
Photo Source: Instagram
分享到Line