警疑鹿頸亂勾車，原裝車被懷疑改裝勾走
香港討論區
大家喺網上成日見到外國好多車聚好似嘉年華會咁，反觀香港地想玩車除咗有錢有地方，仲要靜靜哋咁玩，早幾年試過有人喺尖沙嘴某停車場度玩，
結果警方就喺附近擺Road Block，大把車最尾上唔到去俾拖車勾走，又好似近兩日假期有車主只係揸車去鹿頸兜嚇風，同樣慘被懷疑改裝勾走。
有車聚搞手話其實玩車好健康好安全，唔同幾十年前改車一定為飛車，加上法律有太多灰色地帶，令車主亦無所適從，
佢希望政府正視呢個咁健康嘅興趣，唔會令到一班鍾意車嘅人怨氣咁深。
話說警方近日接獲新界北市民投訴，話啲車高速行駛引發噪音滋擾居民，所以設置路障截查啲車，
結果唔少車主就喺網上係咁呻，話無啦啦揸架原裝車都慘被勾。
呢邊原裝車咁慘，但原來早兩個禮拜有人成功喺元朗搞咗個車聚，
有份喺車聚度幫手兼係其中一位參加者嘅Neo接受《蘋果》訪問嗰陣就話，
佢哋由2014年已經開始搞車聚，有部份個人化改裝車亦都有參與，仲有小朋友參加添。
不過佢就話喺香港舉辦一個大型車聚一啲都唔容易：
「上一輩人會為咗架車快啲而改，因為佢哋會非法賽車，但而家呢一代好少會咁做。」
他坦然警方令一班志同道合嘅愛車之人經常受到針對。
Neo話試過唔少朋友都試過無故被勾走驗車，最尾咩都驗唔到：「試過驗車中心話架車車頭放咗個香座（係違例）。」
佢仲試過勾走咗去驗車之後，唔係因為改裝而被票控，而係一啲雞毛蒜皮小事，例如擋風玻璃冇水出，軚盤唔係原裝等等，
佢認為即使有部份改裝車，只係為幫架車整靚啲整特別啲，仲話而家香港絕大部份交通意外都係因為好多驚青司機而引致，而唔係愛車如命嘅佢哋，
希望政府正視嚇佢哋嘅訴求，唔好一味為拉而拉，希望大家識得欣賞呢個只係一個老少咸宜嘅活動。
大家喺網上成日見到外國好多車聚好似嘉年華會咁，反觀香港地想玩車除咗有錢有地方，
仲要靜靜哋咁玩，早幾年試過有人喺尖沙嘴某停車場度玩，結果警方就喺附近擺Road Block，
大把車最尾上唔到去俾拖車勾走，又好似呢兩日假期有車主只係揸車去鹿頸兜嚇風，同樣慘被懷疑改裝勾走。
有車聚搞手話其實玩車好健康好安全，唔同幾十年前改車一定為飛車，加上法律有太多灰色地帶，
令車主亦無所適從，佢希望政府正視呢個咁健康嘅興趣，唔會令到一班鍾意車嘅人怨氣咁深。
話說警方近日接獲新界北市民投訴，話啲車高速行駛引發噪音滋擾居民，所以設置路障截查啲車，
結果唔少車主就喺網上係咁呻，話無啦啦揸架原裝車都慘被勾。
呢邊原裝車咁慘，但原來早兩個禮拜有人成功喺元朗搞咗個車聚，
有份喺車聚度幫手兼係其中一位參加者嘅Neo接受《蘋果》訪問嗰陣就話，佢哋由2014年已經開始搞車聚，
有部份個人化改裝車亦都有參與，仲有小朋友參加添。不過佢就話喺香港舉辦一個大型車聚一啲都唔容易：
「上一輩人會為咗架車快啲而改，因為佢哋會非法賽車，但而家呢一代好少會咁做。」他坦然警方令一班志同道合嘅愛車之人經常受到針對。
Neo話試過唔少朋友都試過無故被勾走驗車，最尾咩都驗唔到：「試過驗車中心話架車車頭放咗個香座（係違例）。」
佢仲試過勾走咗去驗車之後，唔係因為改裝而被票控，而係一啲雞毛蒜皮小事，例如擋風玻璃冇水出，軚盤唔係原裝等等，
佢認為即使有部份改裝車，只係為幫架車整靚啲整特別啲，仲話而家香港絕大部份交通意外都係因為好多驚青司機而引致，
而唔係愛車如命嘅佢哋，希望政府正視嚇佢哋嘅訴求，唔好一味為拉而拉，希望大家識得欣賞呢個只係一個老少咸宜嘅活動。
網民點睇
Terry Leung：部掃把連鈴都無換喎⋯⋯咁都勾。佢推大左去到兩個巴呀？
定還是裝左彈射裝置呀？
Kit Ng：可能係冷氣出風口有微微裂痕，所以勾得！
Vienna Chow：原裝都勾，叫車廠唔好出車啦，渣咩都死
林尐月：無敵T閘，除左單車咩車都搞，好快無改裝既都搞著埋，正常一架車，至少都中一兩樣，香港人，行路啦
分享到Line