如何讓男人把你列入「老婆」選擇中？想他將你當成「一生一世」，你必須先做好以下這3件事！

如何讓男人把你列入「老婆」選擇中？想他將你當成「一生一世」，你必須先做好以下這3件事！

好多女性朋友都有同一個問題，就係同男朋友拍咗一段時間覺得係時候結婚，又或者係初初拍拖但想同佢一生一世，可惜對方好似冇咩求婚或者結婚嘅念頭。有人話男人唔同你傾結婚呢回事有可能係因為佢經濟未穩定、想放多啲心機喺事業上等等，但如果一個男人真係想同你結婚，佢係會不惜一切將你娶到手，其他都只係藉口！想成為男人眼中嘅「一生一世」，你必須先做好以下呢3年事！

1.唔好逼佢喺你同佢家人之間二選一

男人呢種動物係好著重家人，特別係女性家人（婆婆、嫲嫲、媽媽、家姐、細妹等），作為一個同佢冇血緣關係但又好親密嘅女人，你千萬唔好逼佢喺你同佢屋企人之間兩揀一，因為到最後佢一定唔會揀你。點解？因為家人係不可分割嘅一部分，而女朋友則可以再換過揀過，世界上咁多女人點解佢要揀一個成日製造麻煩、煩惱嘅女人呢？

換個角度諗，假如你男朋友一直都同你屋企人相處唔嚟，然後又一直逼你揀佢定你屋企人，相信你都唔會將佢列入「老公」選擇中。所以，好好地同佢家人相處吧（特別係佢媽媽），佢見你可以融入佢嘅家庭生活中，自然會聯想到同你嘅婚後生活！

2.同佢班兄弟打好關係

男人同女人唔同，男人係好重視朋友兄弟情。喺男人嘅生命中朋友係佔一部分，而且都幾重份量下。一個聰明嘅女人係會識得同男朋友嘅兄弟打好關係！第一，喺男人圈中朋友講嘅嘢影響好大，一旦佢班兄弟覺得你係個好女人，自然你男朋友都會對你大大加分；

第二，你可以掌握到男人大部分嘅行蹤，唔會有疑心病，可以放心俾佢出去玩而唔問東問西，俾足自由度佢，喺男人眼中你自然會係個好有魅力、好成熟嘅女人，仲點會唔想娶你！

3.唔好將自己同其他女人比較

忌比較，呢樣嘢好少女人做到！明白女人正常都會將自己同其他女人比較，特別係男朋友嘅前任！不過，喺男人眼中呢個行為係好扣分，因為佢同得你拍拖證明你有自己嘅獨特之處。假如你一直都將自己同其他女人比較，咁只會降低你喺佢心目中嘅價值！

聽過有位男性朋友講，曾經識過一個樣貌身材幾好、性格隨和嘅女朋友，但係個女仔對自己嘅身材好冇自信，佢地每次做愛個女仔都要求熄燈而且唔肯除pa，長期下來竟然搞到連個男仔都開始覺得佢真係好差咁，最後分手收場。

要記住，有自信嘅女人係最靚，如果連你自己都唔欣賞自己，又點期望人地去欣賞你呢？

喜歡這篇文章的朋友按個讚+分享來給我們支持 謝謝^^

參考來源