連最難減的手臂贅肉都減得到！日本女生大熱「5分鐘淋巴按摩操」，輕鬆趕走手臂byebye肉～！

好多女仔都話手臂嘅byebye肉係最難減，就算個身幾瘦都好，只要手臂粗會令你睇落肥成個碼！今次小編就要推介一個方法大受日本女生熱捧嘅方法，受手臂肥肉困擾嘅姊妹們快啲一齊跟住做，「5分鐘淋巴按摩操」最適合又懶又想瘦嘅你啦！

Photo from Pinterest

想知道自己手臂粗唔粗？原來可以用公式計算出嚟嫁！理想嘅女性手臂粗幼應該介乎身高（cm）×0.145～0.16之間。先將手臂水平舉，將尺喺上臂最粗部位繞一圈測量出數字。

Photo from Pinterest

不過手臂粗嘅女仔都唔洗擔心，透過按摩引流嘅方法，可以幫助囤積喺手臂嘅老廢物質排出，令手臂回復美好嘅線條。按摩操仲可以增強代謝、消水腫、令肌肉更緊實，而且做法方便，隨時都可以按，不過記得按摩嘅時候可以加啲身體乳或者按摩油，避免拉傷皮膚呀！

Photo from Pinterest

Step 1: 按摩三頭肌

三頭肌本身係唔常會用到嘅肌肉，按摩可以加快淋巴以及血液循環，清走多餘嘅脂肪同時代謝廢物。

Photo from lp-japan.com

Step 2: 由手臂推揉到腋下首先抬高手臂，然後慢慢由手臂推揉至腋下。去到腋下之後，可以輕微再往胸部方向推揉，重複動作大約2分鐘之後換r另一邊。

Photo from lp-japan.com

Step 3: 扭手臂用「扭毛巾」嘅方式將手臂贅肉由外向內、向上咁推。扭兩三下之後就會有熱熱嘅感覺。而呢個動作係針對緊實手臂線條，想要趕走手臂byebye肉嘅人就要留意啦～

Photo from lp-japan.com

Step 4: 按摩淋巴位利用各種按摩工具，以胳肢窩下方為起點，往上臂來回推。呢個動作可以促進循環同埋令條線更加緊實，如果無按摩嘅工具，就可以試下屈曲手指，用手指骨當做係滾輪咁按摩。

Photo from lp-japan.com

Step 5: 伸直並抬高手臂將手臂往後抬高，記得過程入面要伸直，手肘唔可以彎曲。呢個動作只需要維持10秒，重複做5次。做嘅時候應該會有肌肉拉扯嘅感覺，證明呢個動作可以有效達到收緊效果！

Photo from lp-japan.com

只要依照以上淋巴按摩5分鐘，就會達到減走byebye肉嘅效果啦！

Text: POP-OL Editorial

Photo Source:

參考來源