識左個富二代，根本唔可以用正常人咁去睇佢...佢間屋真係好顛

屋企唔算好有錢 叫做岩岩好咁供到我去外國讀書

而我就係果時識左個香港人 佢同佢女朋友係中學同學 一齊過去讀書

本身我係住寄宿家庭 不過D外國人其實好多係為賺政府D補貼

所以係唔會點理你生活有咩需要 好多時夜晚飲碗湯就話一餐

之後開始熟左 原來我個朋友係 自己住緊一橦獨立屋 有個小花園果隻

之後佢就叫我一齊住 我就答應左 佢重有個細佬既 但間屋真係夠曬咁多個人住

讀書期間 我知道佢屋企係做電子生意 都係好有錢果隻 不過都係咁一齊玩 好開心咁渡過

讀完返黎 先開始明白大家之間的差距......

初初返黎 佢已經返返屋企公司幫手

聽說去外國之前佢老豆講話 如果佢大學畢到業 咩都得

所以返黎香港 佢得到既係豪宅單位一個

跟住佢同佢女朋友有左bb 所以佢老豆比左500萬佢搞婚禮

其後 屋企生意擴充 所以佢已經有自己的公司

之後佢細佬都讀完返黎 係阿哥公司學住野先

不過聽說 老豆都諗住比多間公司佢細佬自己搞 話廢事大細超

雖然佢地都好低調 冇話揚咩跑車咁 不過.....你懂的

讀書成績黎講 佢女朋友係最好 之後到我.....但這個世界不是跟你講成績的

雖然佢都有叫過我去佢公司幫手 但人大左 就唔係當初咁 一齊住就一齊住 而且都知會有好多問題 而推左

到而家我地都係好朋友 有時我都會請佢食飯嫁 不過其實我地大家都唔會點計

因為我知要計 我打一世工都唔能夠同佢AA

就好似有次大家傾計 佢話想買左架遊艇 我就講笑過好呀兩份 之後佢真係買左 而佢都係話同我兩份

當然我唔會借出去 但好多時佢出海都會叫埋我

突然打這個故事 一來可能係因為想講好耐的講出黎 二來係突然睇到個關富二代的post 大家都好灰咁

雖然世界係唔公平 但可能我的最好 就係識到佢這個朋友 富貴由天 食幾多 著幾多 都係整定

雖然係會有葡萄的時候 但感情一定唔係錢買得到

想提醒下又怕自己多此一舉

身為幾close既朋友自然成為小人既眼中釘

有時候仲會反俾小人寸下無家底之類

見極階級觀念既世界

參考來源