台妹瘋狂熱捧的減肥大法！「綠拿鐵」養生減肥餐單 ，10日甩走10磅，原來要燃燒脂肪先要排清毒素～！
FELICIA
台妹瘋狂熱捧的減肥大法！「綠拿鐵」養生減肥餐單 ，10日甩走10磅，原來要燃燒脂肪先要排清毒素～！
國外流行嘅Green Smothie排毒瘦身法大受女性熱捧，但係西方同埋東方人嘅體質唔同，以綠色蔬菜水果製作嘅Green Smoothie對亞洲人嚟講會太寒太濕，排毒效果反而會係咁好。最近，台妹們間流行「綠拿鐵」餐單，10日就可以減到10磅，一齊睇下到底係要點做啦！
Photo from Pinterest
台灣養生專家陳月卿經過多次實驗同埋改良之後，就為亞洲人設計出一款喺屋企就可以輕易製作嘅「綠拿鐵」。
Photo from [email protected]
陳月卿女士當年為咗幫另一半抗癌，由40歲開始每日都會製作1杯新鮮果泥，經過咁多年之後，疾病同埋不適都慢慢消失，兩夫妻都變得更健康，體重都下降。喺新著作《綠拿鐵‧排毒魔法飲：體內環保1杯滿足！輕瘦，美肌，順暢，好眠，10天就有感！》入面，佢就教大家連續飲10日「綠拿鐵」，唔洗挨餓就可以健康瘦～
Photo from [email protected]
月卿指出當身體累積過多毒素，肝臟嚟唔切代謝嘅時候，身體就會派出脂肪細胞將毒素包起，等到有能力嘅時候先再代謝，所以當我地身體有能量嘅時候，會先排毒，等到毒素排完，先會燃燒脂肪，換句話嚟講如果體內有大量毒素，就無辦法成功減肥～
Photo from [email protected]
而飲用蔬果泥就可以加強肝功能，幫助體內清除毒素，膳食纖維同時可以掃走體內嘅食物殘渣，減少毒素累積。所以我地可以「綠拿鐵」排毒幫助瘦身，令身體機能變好～
Photo from Pinterest
綠拿鐵係由「蔬果+水果+水+堅果」組成，即使唔加牛奶，加入堅果嘅綠拿鐵都會有奶香嘅綿密口感。
Photo from Pinterest
「綠拿鐵」的黃金比例：3(蔬菜)：7(水果) = 350c.c. (1人份)
蔬菜 50g (約1/4碗)綜合水果 150g (約1碗)凍開水 (怕冰涼傷胃，可改成溫水)
Photo from Pinterest
而「10日綠拿鐵」，就係用綠拿鐵代替中、午、晚3餐，呢個方法就類似國外盛行嘅經斷食，大量蔬果可以幫助淨化腸胃，促進排毒，令身體進入「易瘦模式」，肝臟排毒功能加強，身體自然就會健康。
Photo from Pinterest
亦因為蔬果較為清淡，好多人經過10日挑戰之後，對於加工品、酒、咖啡、糖癮嘅需求都變少咗。
Photo from Pinterest
照住綠拿鐵餐單去食，就唔需要再餐餐計算住熱量，陳月卿仲建議餓嘅時候可以食水煮蛋、生嘅無鹽堅果，減少營養不良而造成嘅肌肉減少問題。
Photo from Pinterest
10大綠拿鐵餐單大公開
依上方嘅綠拿鐵黃金比例原則，綠拿鐵 = 蔬菜 + 水果 + 水 + 堅果 (3蔬菜：7水果) ，再用唔同嘅食材做搭配！
【蔬菜類】小棠菜 (台：青江菜)、小松菜、小白菜、番薯苗 (台：地瓜葉) <需要汆燙>、菠菜 <汆燙>、唐生菜 (台：萵苣)、西蘭花 (台：青花椰菜)
【水果類】增加香甜：蘋果、菠蘿增加飽足感：香蕉、番石榴
【寒熱平衡】薑粉薑片、薑黃粉、堅果、辣椒粉
【添加滋味】檸檬、腰果、薄荷葉、奇異果、百香果
【順暢感】橄欖油
以上食材照比例和需求任搭。
喜歡這篇文章的朋友按個讚+分享來給我們支持 謝謝^^
分享到Line