交男友無難度，教你如何成功打開話題～！幾招說話技巧，幫你提升交友能力，擺脫「話題終結者」的稱號！

交男友無難度，教你如何成功打開話題～！幾招說話技巧，幫你提升交友能力，擺脫「話題終結者」的稱號！

身邊總有幾個frd係topic killer，唔想再做話題終結者？快啲嚟睇下點搞搞佢啦～啱啱開始同一個人傾計嘅時候，有時候雙方可能對大家幾有好感，但成日傾傾下會不了了之，無下文？係咩原因呢～可能你就係傳說中嘅話題終結者啦傻豬仔～話題終結者(Topic terminator)最叻就係當大家興致勃勃傾得好開心嘅時候，佢一句說話會?間令全場靜曬，end topic神手～上面有無限隻烏鴉經過！

而話題終結者都有分幾種架～以下就係其中3款：

1.以Emoji形式回答（例如：A:hi auntie B:??）呢家科技發達一日千裡，用emoji都可以表達一切，但變相會比人覺得你hea同埋輕浮，仲會減弱人地想覆你嘅動力！但當你唔太想同一個人繼續傾嘅時候，emoji就成為一個好幫手~

2.無實際意義嘅回覆「係啊」、「喔～」、「啱啊～」、「原來係咁～」，咁樣有人覆你都奇啦！

3.最高階嘅境界：嗡一輪但無人接到落去講到天花龍鳳，但其實大家都唔知你講緊咩～自然dead air左！但其實覆你好過藍剔已讀不回或者沉默是金啦，係咪先！但如果你都做過以上嘅end topic嘅行為，你就要繼續睇落去睇下點改善啦（小編都學習中）～

1.將簡單句子或話題拓展A：早晨～好早喎！B：早安，你又咁早嘅？啱啱荃灣線又故障⋯⋯（問返對方問題再加入自己遇到嘅事）

2.認同／否定後加補充淨係答「啱啊～」、「係啊！」又唔補充你嘅睇法，其實人地都唔知點繼續個話題！避免只用評價回應，可以補充為「係啊！我覺得咁樣可以更方便～」帶出新嘅觀點，仲可以比個機會人地會更了解你嘅想法呢！

3.唔識就問／聽人講野如果遇到興趣不大或你唔擅長嘅話題，你又怕覆廢話而表現到自己無乜內涵，可以不妨用問題應對，引導對方講多啲相關嘅嘢，當學嘢～做一個好嘅聆聽者！

4.加強語氣，表現出專注同有興趣嘅樣子講嘢最緊要對方有聽入耳，即使你係答「係啊～喔～啱啊～原來係咁～」都可以令人唔反感～加強啲語氣，由心發出嘅反應，而唔係，對方會感受到的（我深信）！然而就會有興趣繼續同你傾偈啦～

如果真係覺得無乜話題可以同人開展，平日可以做多啲操練～-留意多啲新聞，知道世界發生緊啲咩事-學下啲新野，吸收多啲知識-試下寫啲文章去訓練邏輯思考力以致同人傾偈可以有效表達出嚟

咁就易啲同人r水吹啦～同埋做人有自信都好緊要架！人際關係係一個學問～人生一大課題，真係活到老學到老啊～如果學識又吸收曬再運用番以上幾點出嚟，誰與爭峰～日後同人傾計洗乜怕，真係可以得心應手、兵來將擋、水來土掩，hold住全場啊！

喜歡這篇文章的朋友按個讚+分享來給我們支持 謝謝^^

參考來源