忽冷忽熱是分手的訊號？當12星座真正想講分手時出現的徵兆，雙子座會不再找你、白羊會容易發嬲！？

忽冷忽熱是分手的訊號？當12星座真正想講分手時出現的徵兆，雙子座會不再找你、白羊會容易發嬲！？

戀愛係一件好美好嘅事，但有啲愛就係經唔起時間嘅考驗，最後就自然逃唔過分手嘅宿命。如果你發現你嘅伴侶最近對你忽冷忽熱，會唔會就係分手訊號呢？今次就話比大家知以下12星座真正想分手嘅時候會出現嘅徵兆！

白羊座

屬於火象星座，佢地愛人嘅方式好直接，愛上就愛上，唔會囉嗦，會花所有時間喺愛嘅人身上，不惜一切嘅代價！所以要察覺佢地想分手其實都特別易，當某一日你發現佢唔再包容你嘅脾氣，小小事都會發嬲，唔再遷就你，咁你就要知道呢段關係差唔多時間要結束啦！

Photo from Pinterest

金牛座

固執其實係金牛座嘅通病，佢地只有喺愛人面前先會放下執著，做一個合格嘅聆聽者，唔理你有幾多煩惱，佢都會用心傾聽，呢樣就係佢地表達愛嘅方式！如果佢地想分手，就會回復原本嘅的性格，失去耐性！

Photo from Pinterest

雙子座

雙子座嘅熱情嚟得快去得快，而且佢地好奇心好重，基本上無任何人或者事可以得到佢地長期嘅關注，所以遇到真愛嘅時候，佢地先會肯為伴侶停落嚟，將專注力放喺你身上！但當愛意消失嘅時候，玩世不恭嘅雙子唔會再主動搵你傾計或者出門，而且你可能好快就會發現佢地已經搵到新對象了！

Photo from Pinterest

巨蟹座

巨蟹屬於比較敏感嘅星座，喺外人面前疑心都比較大，只會向愛人流露無條件信任，佢地會視你為最值得信賴嘅人，唔理發生咩事，都會坦白向你講！假如佢想同你分手，就會開始向你隱瞞，仲會講大話去掩飾自己嘅心虛！

Photo from Pinterest

獅子座

有好高策劃力嘅獅子成日會為未來做準備，佢地會將愛人放入將來嘅計劃當中，因為佢地已經將你當成生活嘅一部份，假如佢唔再同你論未來，咁就係分手訊號啦！

Photo from Pinterest

處女座

愛情當中，處女座鐘意同另一半一齊經歷唔同嘅事，喺人生路上一齊成長，家務去到旅行、投資，佢地都會想可以同對方一齊學習同埋感受，如果有一日佢地唔再需要你，就會將共同處理嘅事變成一個人自己做番！

Photo from Pinterest

天秤座

社交能力好好嘅天秤基本上係唔會同人結怨，對所有人都會表現出禮貌同埋有風度嘅一面，想知天秤想唔想分手一啲都唔易，因為佢地對你嘅態度變化唔會好似其他星座咁大，唯有一點就係你會感覺到佢不經意地過於客套或者偽裝親切！

Photo from Pinterest

天蠍座

天蠍應該係最易睇得出想分手嘅星座，因為佢地對愛嘅態度非黑即白，而且又唔會拖泥帶水，會單力直入提出分手，對伴侶嚟講雖然傷心，但都好過一直拖住大家浪費時間！

Photo from Pinterest

射手座

射手雖然熱愛自由，享受自己一個嘅時光，但為咗情人，佢地會願意放棄自我，令自己可以同伴侶步伐一致，簡單嚟講，如果射手無再考慮你嘅感受，咁就係唔再愛你啦！

Photo from Pinterest

摩羯座

摩羯會將感情視為投資，為咗要保持「升值」，佢會為愛人提出正面嘅建議，等大家可以一齊走向更好嘅未來，而佢唔再比你意見，都無為兩人作任何打算，咁就係代表關係即將結束！

Photo from Pinterest

水瓶座

水瓶喺愛人面前會特別熱情，可以24小時纏住你唔放，但當感情消退，佢對你就會好似對一般朋友咁客套，你會感覺到你地之間慢慢疏遠！

Photo from Pinterest

雙魚座

雙魚願意為愛付出一切，唔理係任何小事佢都會為你做，會顯得自己好卑微，但佢地都好樂意咁做，所以當佢地唔再將心力放喺你身上，就差唔多時候要講Byebye啦！

Photo from Pinterest

喜歡這篇文章的朋友按個讚+分享來給我們支持 謝謝^^

參考來源