便秘不是吃高纖食物就能解決，吃錯小心更加嚴重！日本專科醫生講解便秘分為兩種，推介治便秘神奇食材！

便秘不是吃高纖食物就能解決，吃錯小心更加嚴重！日本專科醫生講解便秘分為兩種，推介治便秘神奇食材！

日本大約30%成年人有便秘嘅煩惱，日本電視節目《Jobtune》就請嚟咗專醫便秘嘅名醫，教大家最有效改善便秘嘅食物，同埋超簡單運動。相信唔少香港都一樣有呢個問題，想知道點解決？就要睇落去啦！

日本便秘專科醫生水上健指便秘其實分為兩種，一種係「コロコロ便秘」（粒粒便秘），另一種係「イタイタ便秘」（痛痛便秘）。

「粒粒便秘」

「粒粒便秘」，係指你嘅便便好似兔仔便便一樣，會一粒粒！因為分量同埋體積唔夠，所以便便就會以一粒粒方式排出！而解決方法就係食多啲高纖食物，增加便便嘅體積。

蔬菜係高纖食物，就大家都知，但原來喺經常食用嘅蔬菜當中，菠菜食物纖維最多！幾乎等於生菜同埋椰菜加埋！

而主食當中，方包嘅纖維竟然係白飯嘅8倍！如果平時想增加食物纖維的話，可以混合玄米煮食。

「痛痛便秘」

而「痛痛便秘」，就係因為腸變形，所以便便無辦法排出，就會變硬，引致腸痛。大部分人以為便秘只要食多啲高纖食物就可以解決，但原來並唔係絕對～「粒粒便秘」的確要食高纖食物，但「痛痛便秘」食高纖食物就會愈食愈衰！想有效解決係要食高「大豆低聚糖」嘅食物，令便便變軟，容易排出。

醫生話，有一種食材，食物纖維同埋大豆低聚糖嘅含量都非常高，無論邊一種便秘食都好適合！於是電視台就搵嚟7位有便秘煩惱嘅女性嚟測試，每日食3次呢種食材，食足一星期。

結果所有人嘅便便次數都增加咗，由每星期1-3次，去到每星期5-16次，效果非常顯著～

呢一樣食物就係黃豆粉，係一種非常有效治癒便秘嘅食材！醫生建議每日20g，大約4湯匙，可以做成黃豆粉乳酪食用。

另外醫生仲教大家做一個超簡單嘅運動，可以有效改善便秘！

Step1. 雙腳分開至肩膀的闊度

Step2. 雙手左右展開

Step3. 轉向右

Step4. 轉向左

Step5. 每日1-2次，每次做一分鐘，令腸搖動，有助排便

參考來源