連胡杏兒都跟Coffee做瑜伽！想趕在夏天前瘦身？教你3個杏兒常做的瑜伽動作，瘦身效果非常顯著！

連胡杏兒都跟Coffee做瑜伽！想趕在夏天前瘦身？教你3個杏兒常做的瑜伽動作，瘦身效果非常顯著！

又就快到夏天啦，大家經過咗一個冬天之後有無肥咗成個圈呢？如果仲未行動開始減肥，就不妨跟胡杏兒做瑜伽啦！胡杏兒上年生咗囝囝Brendan之後，已經逐漸投入番工作，早前仲自爆自己有學瑜伽嚟修身～

杏兒嘅瑜伽導師兼魔鬼教練原來就係林芊妤Coffee，Coffee仲被杏兒稱之為魔鬼教練～以下3個瑜伽動作係杏兒成日會練習嘅招式，瘦身效果非常顯住，唔信？睇下杏兒就知啦！

瑜伽減肥動作1 : Head Stand 

呢個動作係針對全身，對於手臂、肩部、胸肌上半部、上背至腰腹部嘅肌肉能量同埋耐力都有好好嘅鍛練效果，透過鍛練可以令到各部分嘅肌肉得到收緊，從而達到減肥嘅效果，而成個動作更可以有助提升身體穩定性同埋平衡能力。

除此以外，倒立仲可以改善到腦部供血能力，消除大腦疲勞，恢復體力，同時可以增加腦血管抗壓嘅能力，令到腦血管變得更加柔韌。而倒立嘅時候內臟會同時處於倒置狀態，內臟嘅重力作用可以水柔地磨擦及碰撞、互相按摩，對於內臟下垂等病症都能夠達至預防效果。

瑜伽減肥動作2 : 拱橋 Urdhva Dhanurasana

呢個動作可以瘦到四肢，係針對手臂、腹部、背部、腿等，可以令四肢變得更加纖瘦。

不過呢個動作唯一嘅難度就係好易令條腰受傷，所以要特別留意做法，唔好亂試。要先俯臥，後背繃直，之後再用前臂同埋腳趾支撐身體，頸部同後背喺同一條直線上面。向上抬起臀部，令個身成倒V字狀，頭自然地安放喺雙臂之間。保持姿勢放鬆。再慢慢番去開始嘅動作。

瑜伽減肥動作3 : Wild Thing Pose 如意式

呢個動作可以令雙眼、頭皮、面額嘅肌肉得到鍛練，令腦細胞充滿活力，之後變得更強壯，同時可以提升頭腦清淅度同埋靈敏度。

要完成呢個減肥瑜伽動作，係要運用到好多身體部位，例如骨盆、雙腿、肩膀、 胸部、手臂同埋背部等多個地方，呢個動作難度偏高，所以需要更多鍛鍊，運用全身肌肉，可以達至減肥功效！

參考來源