整個TVB男藝人都來了! 林子善大喜之日兄弟團除了有一堆男星, 竟然還有唯一女將唐詩詠!

TVB綠葉演員林子善結婚啦！和董佩欣（Kary）拍了5年拖後，於去年的10月兩人簽字註冊，等了半年才於今晚舉行婚禮，今早穿上紫紅色禮服當帥帥新郞哥，人緣極好的他和9個兄弟一起到酒店接新娘！

▲全體黑超上陣，型到呢！

當中反串做兄弟、唯一女將唐詩詠就上載咗兄弟團嘅Chok爆照去社交網，見佢哋一行十人擺曬甫士，眾人都戴上黑超型到爆，一副志在必得嘅表情大合照，而其他兄弟仲有鄭嘉穎、馬國明、黃嘉樂、黃長興、袁偉豪等，呢個型男卡士都咪話唔煞食，到時實電暈班姊妹團啦！今次做兄弟嘅詩詠又大曬玩新郎用到嘅「道具」Wasabi加鹹竹蜂餅乾，真係見到都驚，不過詩詠似乎就冇乜所謂，仲大爆今次做兄弟好爽，唔使早起身添：「#做兄弟係爽嘅 #唔使早起身 #淨係Chok就得喇」