[偶像練習生] 繼吳亦凡你有Freestyle嗎? EXO張藝興Lay講:Balance !!

PRISTIN周潔瓊Pinky一出場，成班偶像練習生都勁讚好靚女！（網上截圖）

韓國綜藝《PRODUCE 101》的中國山寨版《偶像練習生》，終於喺昨晚播出第1集。雖然《偶像練習生》只係山寨版，但可能係因為有一眾亞洲韓星如：EXO張藝興Lay、GOT7王嘉爾Jackson、PRISTIN周潔瓊Pinky、程瀟@宇宙少女，以及MC Jin歐陽靖和李榮浩嘅加持，抑或那100位練習生已經坐擁一定人氣嘅關係，《偶像練習生》首播上線1小時播放量就已經突破1億！睇嚟經由《偶像練習生》選出嚟嘅最終9位幸運兒，真係可以好似全民製作人代表Lay@EXO咁講成為「中國優質偶像男團」，甚至可以同正版Wanna One鬥人氣！

樂華娛樂今次共派出7位練習生，包括：范冰冰細佬范丞丞、Justin黃明昊同朱正廷。而喺Justin黃明昊同朱正廷出場時，節目組竟用埋KBS選秀節目《The Unit》嘅競爭歌曲《All Day》，《偶像練習生》又真係跟得幾貼！（網上截圖）

其他偶像練習生對於曾出演正版《PRODUCE 101》Season 2嘅Justin黃明昊同朱正廷都有正面評價，「知名度高」、「居然看到真人了」、「比電視裡還要帥」等。而《偶像練習生》的觀眾看到Justin黃明昊換上一身黑色西裝後，都感覺佢突然之間變得成熟，好似長大咗一樣！

睇嚟Lay@EXO嘅「Balance」會成為舊隊友Kris吳亦凡嘅「你有Freestyle嗎？」後，另一新潮語！（網上截圖）

《偶像練習生》另一看點係Lay@EXO成晚講得最多嘅「Balance」！保守估計Lay@EXO嘅「Balance」應該會成為繼EXO前隊友Kris吳亦凡嘅「你有Freestyle嗎？」後嘅新潮語！不過究竟咩係「Balance」呢？EXO張藝興喺評審多隊練習生後，一直重覆講佢哋嘅「Balance」唔啱。搞到Lay@EXO最後都忍唔住拎轉身反問練習生：「我啱啱一直講跳舞嘅Balance，你哋都唔知係咩意思嗎？睇住鏡去搵最啱自己、最靚嘅動作，搵啱之後就要一直練，令自己嘅身體記住，只要一拎起隻手就係呢個位置，只要搵到呢個Balance，就會為你嘅舞台加好多分！」

雖然Lay@EXO作為全民製作人代表，喺《偶像練習生》內真係好嚴厲！不過都冇令練習生們懼怕，反而大讚EXO張藝興嚴格得嚟又有責任心、仔細、認真、專業，明白Lay係真心教好佢哋！

《偶像練習生》們雖然覺得EXO張藝興好嚴厲，但就大讚Lay有責任心、認真、真心教導大家。（網上截圖）

參考來源