每餐食飯食得快會變肥，腰圍變大！研究發現：進食速度和肥胖大有關

觀察一下身邊朋友嘅進食習慣，就會發現食野食得慢嘅朋友都唔係肥嘅～成日都會聽人講食得太快會消化唔到，不過大家都好唔太在意，不過有研究就指出吃得太快會「變肥」，你仲敢唔敢食咁快呢？

Photo from Pinterest

食得快易肥、腰圍大

日本人一向注重養身，佢地就作咗相關研究！日本廣島大學Takayuki Yamaji博士搵嚟一千幾個平均年齡50歲嘅男女，將佢地分成「慢、中、快」3種進食速度習慣研究～經過5年嘅觀察，發現代謝症候群例如糖尿病、心臟病、中央肥胖、高血壓，喺「快食者」當中佔11.6%、正常速度進食者6.5%、「慢食者」就只有2.3%。

Photo from Pinterest

研究人員發現食野較快嘅受訪者，腰圍唔單只較大，血糖都會更高。Takayuki Yamaji博士話，因為人食得快就會唔識飽，愈食愈多，而且快速進食會導致更大血糖波動，導致胰島素阻抗性，容易演變成為糖尿病！所以養成食慢啲嘅習慣，可以預防代謝症候群嘅出現

Photo from Pinterest

一餐應用半小時

香港人生活節奏快，講求效率，所以食飯都會食得特別快～好多打工仔嘅生活就係朝早咬個包，lunch邊做野邊食外賣。

Photo from Pinterest

但係美國心臟協會發言人Nieca Goldberg博士指出，我地應該要用最少30分鐘去食一餐飯。佢話慢慢食，可以令人意識到自己食緊咩，慢慢咬食物可以幫助消化。

Photo from Pinterest

佢更加提醒，我地抽出半個鐘食飯嘅同時都唔應該邊做野邊食。因為大腦分心會令部份飽足感被忽略，以為自己無食飽，結果就會食太多

Photo from Pinterest

多與「慢食者」一同進食

同吃得慢嘅朋友一齊食飯，你都會不自覺跟住佢嘅進食節奏，咁可以間接幫你養出慢食習慣！

Photo from Pinterest

調暗燈光

環境會影響我地嘅進食心理素質，明亮顏色同燈光會刺激到大腦，令人食飯速度更加快～但如果調暗燈光就會令我地覺得平靜舒適，我地自然會放慢動作。

Photo from Pinterest

而根據心理學頻道研究報告顯示，喺燈光昏暗、播放輕音樂餐廳內用餐，會比起喺一般餐廳入面用餐平均減少175卡路裡吸收

Photo from Pinterest

不用慣用手拎餐具

如果你成日都會唔記得要食慢啲，可以試下轉另一隻手食飯～用唔習慣嘅動作食飯自然會減低你食野嘅速度，每一次咬食物嘅時候都會放低一下餐具，避免你未食完口入面嘅野就立即食下一啖～

參考來源