【最新勁爆！】港姐麥明詩自爆！17歲時在內地曾遭到[性·侵]害！還不止一次！

【最新勁爆！】港姐麥明詩自爆！17歲時在內地曾遭到[性·侵]害！還不止一次！

麥明詩自爆曾多次遭[性·侵]犯。

【星島日報報道】近日本港爆出多宗[性·侵]疑雲，十優港姐麥明詩今日下午在facebook個人專頁自爆，曾經多次在內地遭到[性·侵]犯，又解釋沒有對外公開或報案，因香港在內地沒有司法管轄權。但麥明詩並無進一步透露[性·侵]事件詳情，包括日期、地點、施害者、前度男友林作是否知悉等等。

不少網民給予鼓勵及同情，但有網民質疑，「[性·侵]犯定性騷擾？好大分別喎」、「麻煩請說清楚到底發生什（甚）麼事情 。」

麥明詩是2015年當選香港小姐冠軍，為公眾所認識。麥明詩於女拔萃畢業，由於是2009年會考十優狀元，成績優秀所以被坊間稱為「10A港姐」、「十優港姐」；麥明詩並於2014年在英國劍橋大學法律系畢業，並曾與前大律師林作成為情侶。

麥明詩披露遭[性·侵]全文如下：

「＃metoo 相信唔少女仔都曾經遭受[性·侵]犯，我亦都唔例外，仲要係唔止一次添；有啲係我阻止唔到；有啲係之後諗番，如果我醒覺啲我可能可以阻止到... 受害者能夠鼓起勇氣面對呢件事，知道錯唔係自己，呢個係第一步。但係之後呢？

呢個時候，受害者除咗自責之外好可能會有兩個感覺：1，報復，to make him pay for his wrongs，人之常情矣，好聽啲嘅term係 "retribution"；2，唔希望呢個人可以繼續危害到其他嘅victim。

當然法治精神唔允許我地以法律之外嘅方法報復，法治精神呢一點相信我喺以前嘅post都有提過。所以要真係除害得黎又要對嫌疑犯公平而唔未審先判，唯一可取嘅方法係透過法律去制裁。

呢個時候，大部分女仔都會放棄，而我自己經歷嘅諗法係咁樣：

當時得我同佢，姐係口同鼻抝，點解要信我多過佢？咁睇嘅話，佢嫌疑程度只得50:50，但係50:50姐係告唔入啦。而我當時仲要讀緊法律。

所以我希望透過呢個post，分享一啲自己嘅體會。

首先，要相信court trial。雖然係"my words against his words"，但係其他環境證供都會幫到。檢控官(P)可以cross-examine被告(D)：

P：點解你要帶受害者返屋企？

D：幫佢按摩

P：咁點解唔係喺學校？

D：...諗住喺邊都冇所謂

P：定係你怕被人見到？有其他企圖？

就算佢堅持話係屋企冇越界，呢點被告都好難解釋；我唔係律師，相信一個真正律師會可以摧毀被告嘅證供。

第二，想加強個case，就儘量保存好呢啲環境證據。例如，嘗試留有文字證據，透過whatsapp質問對方，例如：

V：點解你今日要咁樣做？

D：我做咗啲咩

V：你叫我除褲

D：咁先按摩到

雖然咁樣唔足以證明佢非禮，但係已經將佢要你除褲呢一點establish咗冇得拗，佢唔可以喺庭到話：「我冇叫，佢自己話要除」。

就算唔直接對質，同可信任嘅人講番件事，到時呢個人都可以為檢控方作供，而當兩個證供係冇inconsistency，就可以加強受害者證供嘅可信性。

當然一個受驚嘅女仔，喺當刻就可以諗到呢啲野，係冇可能嘅。呢啲都係我之後不斷反覆思考先諗到嘅野，所以我希望分享可以幫到未受過害嘅女仔。

我相信，法律係最接近公平嘅裁判方法；佢唔係完美，一定有犯罪者法外逍遙；但係比起網絡審判、私刑，法律係有好多程式保障，希望賦予每一個人一個opportunity to be heard。

審訊係一個好困擾嘅過程，就算覺得有足夠證據，有唔少人都會放棄起訴，因為唔想被呢件事纏繞落去。但係我地都唔應該因為怕煩而用其他方法去達到retribution，因為咁樣係對對方唔公平。大佬呀，佢咁樣傷害我，我仲要諗點樣先對佢公平？哈哈我自己都未必做到。但係呢個係我希望追求到嘅ideal。

呢點帶到去最後嘅point：防患於未然。對於我來講，empowerment 除咗係受害之後唔怕講出黎，更有效係可以透過自己嘅力量防止呢個傷害。所以呢啲經歷鼓勵我要懂得自衛 - 我唔係需要打贏一個男人；但係只要製造到一個逃走嘅契機就已經足夠。於是幾個月前我決定咗要學柔術。

PS，大家可能會問我點解冇採取進一步嘅行動，咁係因為事情係喺內地發生，香港法庭係冇jurisdiction...

PPS，我真係唔係律師，只係讀過啲theory，好多都還咗俾老師，所以有需要請尋求專業法律意見」

參考來源