世上有一種愛叫「閨蜜愛」,妳找到會一起哭一起笑的那個她了嗎?好閨蜜擁有的8大條件~!
有人話一個人一生人能夠搵到相愛嘅人,佢就係最幸福嘅人。而小編就認為愛情可能會一瞬即逝,而友情就唔會,所以一個人一生人能夠擁有閨蜜,佢先係最最幸福嘅人~!好閨蜜必定擁有嘅7大條件,一齊睇嚇佢中幾多樣,祝妳地一路結伴走下去啊~!
Photo from Pinterest
Photo from Pinterest
1.不見面也會關心對方
人大了自然因為工作、家庭關係,而彼此少咗聯絡,但閨蜜即使一段時間冇見,仍會隔空關心對方,一句「加油」、一句「保重呀」,已經顯示出佢對妳嘅關心同友情~!
Photo from Pinterest
2.一起經歷人生高低
閨蜜永遠都會守候喺妳身邊,無論妳喺人生高潮定低谷,佢都會陪妳一齊面對,絕對唔會好似其他人咁「審時度勢」,閨蜜永遠都會支持妳、鼓勵妳~!
Photo from Pinterest
3.不會對妳說謊的
閨蜜唔會因為任何一種因素,對妳講大話。因為妳地係彼此最親密嘅人,明白到講大話會傷害到大家,而且無必要講大話~!
Photo from Pinterest
4.一起笑一起哭
閨蜜會同妳一齊喊一齊笑,妳開心時佢會比妳更開心,妳傷心時佢都會覺得好難受,同閨蜜出去玩一齊飲飲食食,永遠係最愉快嘅時光~!
Photo from Pinterest
5.願意聽妳訴苦
閨蜜喺妳難過時會非常樂意聽妳吐苦水,無論係1個鐘定3個鐘,佢都會願意聽妳講~!
Photo from Pinterest
6.有默契
閨蜜係世界上除左妳爸媽外,最了解妳嘅人!佢清楚了解妳嘅喜好厭惡、妳嘅習慣,所以通常妳唔駛開口,佢都知妳諗緊咩、想做咩,超級有默契~!
Photo from Pinterest
7.見盡素顏醜態
妳完全唔會介意喺閨蜜面前展示妳最醜個一面,而且有時仲會變態到以此為樂,咩素顏、放屁、扮醜臉咩都做過曬~!
Photo from Pinterest
8.認識妳的家人
閨蜜最重要係佢已經係妳生命嘅一部分,所以佢好自然會融入妳嘅日常生活中,閨蜜會識得妳爸媽、兄弟姊妹,仲會一齊玩一齊聚會添~!
Photo from Pinterest
Text:POP
Photo source:Pinterest