男友遲遲未求婚？你可能犯了以下5大致命錯誤！
文文
男友遲遲未求婚？你可能犯了以下5大致命錯誤！
2017-11-14 |
1994
兩個人已經拍咗拖一段長時間，但對方依然無提過任何結婚嘅打算？咁樣其實好可能代表住你唔符合佢心目中老婆應有嘅特質！
英文程度從４→１０級只花1年，她全靠這樣學！
原本只能用零碎的單字拼拼湊湊溝通，到後來能夠用流利的英語朗朗上口，讓英文變好的美好體驗，Kyla不藏私大分享！
TutorABC
根據YouQueen嘅統計，如果女人有以下嘅5種特徵，會令男人卻步，唔希望同你結婚、相處一世。
1. 好似阿媽咁長氣
「天氣涼左記住著多件衫」、「記住要食早餐」等等，或者第一次聽會覺得好sweet，但如果事無大小都想干涉、提醒男朋友點做點做嘅話，男人只會覺得你好煩。
2. 一直命令佢做嘢
兩個人相處係要互相尊重，而唔係命令或凌駕對方，就算想男友幫你做嘢，都應該留意自己嘅語氣同感謝對方。
3. 心情經常都好差
每次心情差都發洩喺愛人身上，或者係個性好神經質，咁會令不擅處理女人情緒嘅男人唔知點做好。如果情況持續係咁，令相處經常落入低落嘅氣氛，兩個人都會好辛苦。所以建議你難過嘅時候唔好只係發脾氣，不妨試嚇撒嬌，等男人錫返你。
4. 生活太單調
細水長流嘅愛情的確係終極目標，但咁唔代表係每日都過住單調乏味、一式一樣嘅生活。兩個人可以間唔中試嚇新鮮嘅活動、餐廳等，亦可以為對手製造小驚喜，咁就平凡得嚟又浪漫喇～
5. 生活唔穩定
每個人嘅目標都唔一樣，當你想去外面闖下，比如話長途旅行、工作假期等，對方未必想陪你周圍走。喺呢個時候，最重要嘅就係兩個人要好好溝通，即使意見唔一致，都應該理解對方嘅諗法，再達成共識。
（圖片來源：tumblr）
以上文章由作者特約撰寫或授權提供，內容謹反映作者意見，並不代表本網立場。任何機構未經書面授權不得自行轉載全文內容，但歡迎於社交媒體轉載連結。
分享到Line