【韓流】允兒李昇基 下周齊齊現身頒獎禮

韓國「2017 Asia Artist Awards」將於下周三（15日）喺首爾蠶室室內體育館舉行，當中女團少女時代成員允兒今年拍攝多套劇集及電影，有望於「2017 Asia Artist Awards」頒獎禮上再次奪獎，而允兒亦已落實出席頒獎禮。

另外，允兒前男友李昇基亦將現身頒獎禮，今次更係李昇基退伍後首次出席公開活動，加上又跟允兒同場，定必引起關注。

而頒獎禮門票於上月公開發售後，於一分鐘內售罄，有指門票被炒貴40倍，大會表示將採取強硬嘅行動對應。

少女時代成員允兒，昨日單獨襲港出席品牌活動，上午抵達機場時，已吸引近30名粉絲接機。下午她跟張智霖（Chilam）在尖沙嘴出席該品牌旗艦店重開慶祝活動，身穿白色連身裙的允兒壓軸亮相，表現親民的她，引來過百名粉絲尖叫，她獲高層隔空錫面後，一同祝酒。

Chilam受訪時表示跟韓星有緣：「之前拍攝《一路上有你》時認識Super Junior嘅希澈，同張東健都有一面之緣。」不過，他較欣賞全智賢及宋慧喬。對於早前首次置業花近1億元，Chilam表示之前是用公司名義買，今次才用個人名義。

參考來源