晚間進食彩虹奇異果瘦身大法！5大好處幫你美顏兼治失眠，美味又可口，變靚好輕鬆～！

晚間進食彩虹奇異果瘦身大法！5大好處幫你美顏兼治失眠，美味又可口，變靚好輕鬆～！

網上有流傳唔少奇異果瘦身嘅方法，仲有人提過「奇異果連皮食」嘅方法～其實奇異果嘅好處真係好多，可以抗氧化、排便等等～但係，都有唔少人怕食完奇異果之後，會對入面嘅成分敏感，所以就唔敢食。而今次小編就介紹一款有美容果稱號而且又唔會致敏嘅彩虹奇異果比大家，聽講食一個就相等於食咗我地每日必需嘅17種氨基酸、維他命C、B、E等等礦物質，而佢嘅味道仲要比日本哈密瓜更甜～

彩虹奇異果由日本福岡同愛知縣出口，喺每年10-11月最當造，同一般奇異果嘅分別係中心部分嘅果肉係紅色，外皮嘅毛就比其他奇異果少

1.美味可口

彩虹奇異果外型較圓，體積比一般奇異果細、表皮金黃色，果肉中心帶啲紅色，呈放射形狀～彩虹奇異果嘅肉質又滑又嫩，無酸澀嘅味道，甜味比起一般奇異果甜5-6度左右～

2.雙倍維他命C，雙倍抗氧！

維他命C有抗氧化、美白同促進膠原蛋白再生等等嘅功效～以每100g奇異果計算入面就有69mg維他命C，而彩虹奇異果嘅維他命C又比普通奇異果多一倍，所以平日我地只要食一個彩虹奇異果就可以達到每日攝取量嘅70%以上！

3.通便

好多都市人都會有便秘問題～一個成年人每日一定要攝取25-30g膳食纖維，而膳食纖維分為非水溶性同埋水溶性兩種！

水溶性纖維嘅功能係幫助軟化大腸入面嘅糞便同埋令腸道益菌上升中；而非水溶性纖維就可以加快腸道蠕動同埋增加糞便嘅含水量，如果想要排便兩種纖維缺一不可！

每100g普通奇異果就含有3.4克膳食纖維，而彩虹奇異果嘅膳食纖維就比普通奇異果多出一倍，所以只要每日將彩虹奇異果配合5份蔬果份量去進食，宿便就會好快排清，皮膚同身材都會自然變好

4.醫失眠

彩虹奇異果含有大量可以幫助睡眠嘅色胺酸同維他命B群，食多啲可以解決到失眠問題

5.防敏感

奇異果入面含有一種叫”Actinidin”嘅致敏源頭，所以好多人食完奇異果之後個嘴會有痕嘅感覺，而咁多奇異果入面含有濃度最少”Actinidin”嘅就係彩虹奇異果，佢嘅致敏源成分少到機乎係無，所以對奇異果有敏感嘅人，可以用彩虹奇異果去取代

晚間奇異果減肥法

只要連續14日晚上12點左右，按1：1比例食1隻奇異果再配1杯溫水就可以達到瘦身排便嘅效果了～因為晚上12點係我地腸胃活動嘅黃金時機，所以喺呢個時間食彩虹奇異果再飲一杯水嘅話就可以幫到晚飯嘅蛋白質同肉類消化，令到我地排便更加暢通

參考來源