【少女時代】潤娥白色長裙現身廣東道

潤娥全程一直保持微笑。

韓國女團少女時代成員潤娥今早飛抵香港，出席位於廣東道嘅Salvatore Ferragamo品牌活動。未夠3點鐘，逾百SONE（少女時代粉絲名稱）已經到場分別企喺現場旁邊以及馬路對面，當中不乏了身穿校服嘅學生妹，站在馬路旁邊的SONE就比較危險，其中一男一女更站在石壆上，雖然為嘅係見偶像一面，但就一定要注意安全。

今日活動約於下午3點35分開始，除咗有潤娥之外，同場更有城中型男張智霖。潤娥今日穿上白色碎花連身裙，配上湖水藍色手袋，再穿上露指紫色綁帶高跟鞋，非常有氣質！大會邀請Ferragamo家族出來合照時，更與潤娥以外國形式「面貼面」打招呼，不過未知是否礙於在場太多SONE，CEO都怕怕，未有完全面貼緊面，只是形式上打個招呼。而在活動期間，潤娥更一直同現場SONE揮手打招呼，十分Nice！

潤娥一身白色碎花長裙現身，好美！

參考來源