少婦聯盟成立一周年 龔嘉欣沈卓盈著高貴泳衣影浴缸相
果子快看
「有一種感情叫好姊妹」，由龔嘉欣、陳凱琳、譚凱淇及沈卓盈、有後生版胡說八道會之稱的「少婦聯盟」，今日成立一周年。11月1日，這個日子易記之餘，三條1又特別，所以呢幾位sis特意影輯靚相留個念。她們齊齊穿上黑色連身泳衣，在酒店房內浴虹影相，有少少性感但又不失高貴。
就咁睇相，見到佢哋攬埋一齊，就覺得佢哋感情好好，其中陳凱琳仲大爆龔嘉欣好開心咁話：「如果我哋一齊去旅行嘅話，一定要一齊沖涼呀！」如果友誼有分等級，同朋友沖涼一定係最高個級，係真正嘅閏蜜呀！
「少婦聯盟」嘅成立，源自她們去年拍攝TVB民初劇《平安谷逐個捉》合作，所謂「三個女人一個墟」，更何況係四個？點解叫「少婦聯盟」？原來佢哋圍內會講啲師奶嘢，美其名叫「少婦」，問了Whatsapp Group分享平時有啲咩減價，邊度有啲咩著數，就會約埋一齊去百貨公司去shopping，佢哋曾經試過一齊去買電水壺！雖然佢哋都覺得自己好師奶，但係佢哋好enjoy，各自各有佢哋嘅職責，一個會負責整甜品，有個負責帶零食，龔嘉欣就話：「我哋會繼續互相扶持，同時都希望帶畀佢哋同大家有正能量。」佢哋未來希望可以一齊去旅行，一齊浸溫泉同滑雪。
分享到Line