超強逆襲！韓星姜素拉的體重原來曾高達72kg，但成功減肥後晉升人生勝利組，成韓國女神更「私有化」玄彬～！

超強逆襲！韓星姜素拉的體重原來曾高達72kg，但成功減肥後晉升人生勝利組，成韓國女神更「私有化」玄彬～！

如果講起小肥妹潛力股，韓國女星姜素拉絕對係代表！姜素拉係韓國「國民女神」，1990年出世嘅佢出演過電視劇「Dream High 2｣、「異鄉人醫生」同「未生」等，並且憑「未生」中安英怡一角而大受歡迎，不過同佢相關嘅名詞入面最出名嘅唔係「演員」，而係「玄彬女友」同「減肥之神」！

Photo from Pinterest

冇錯，佢就係男神玄彬嘅現任女友，兩人係上年年尾撻著，俾韓國傳媒報導戀愛消息後雙方都迅速承認，消息一出簡直震驚全世界～！姜素拉亦都因為咁而令到更多人認識到佢！

除左「玄彬女友」呢個身份好受矚目外，「減肥之神」亦係佢嘅代表名詞。點解？因為姜素拉高中時體重曾經高達72kg！係一個小小胖妹～！以下呢張係佢中學時代嘅相。

係！你冇睇錯！係姜素拉佢本人！原來佢當年為左圓自己做演員嘅夢想，狠下心減肥，足足減幾十kg，變成而家48kg嘅靚靚身材～！

相信大家都會好好奇究竟姜素拉係點減肥，其實佢本人都分享過自己嘅減肥心得。

首先姜素拉平日係會完全嚴格控制飲食，佢一日嘅食譜係：早餐是乳酪同水果、午餐大量蔬菜同半碗飯、晚餐生菜瘦肉同蕃薯，佢會大量咁食蔬果，務求飽肚、低脂同營養均衡。

而佢同時亦會放自己假放鬆一下，一個月入面會揀時間食自己鍾意食嘅食物，咁樣可以俾到自己動力減落去。

另外佢會堅持做運動，，平時會趁得閒多拉筋伸展，據聞佢仲為左減肥特登去學芭蕾舞！

見到姜素拉嘅身材，真係令人有好大動力的起心肝減肥！

參考來源