最強健康瘦身達人面相專家批這三個星座最容易減肥成功！

專家教睇星座面相藥箱都變成首飾箱！

麥玲玲Profile

屬馬的水瓶座，自小口齒伶俐、舉一反三；「我的志願」是上電視講十二生肖，廿年前夢想成真，如今微博的粉絲超過香港總人口。

玲玲姐金句：「健康係「百願之首」，但通常唔到病就唔關心，大部分客人都係問姻緣、事業，真係到身體出咗事先會醒覺自己忽略咗健康。其實健康係要對得住自己，做咗自己可以做嘅事先，所以我日日都跑7公裡㗎！仲有即使先天基因影響幾大都好，但調整心情對健康都好重要，你情緒差又瞓得差，一定愈來愈跌 Watt ！」

1. 耳大有活力

耳主童年，代表1至14歲，一般愈大愈精力充沛，愈小愈體弱。顏色光潤，則腎氣足；顏色渾濁，多屬腎虛。耳朵肥大而長，耳珠厚實朝口，為長壽之象；耳珠軟薄，腎氣弱，易神經衰弱。

2.眉弱腎氣差

「眉為腎之表」，可反映腎臟功能。年輕時眉毛長而下垂，乃腎氣衰竭之象，年老則不為忌。眉侵印堂，代表肝氣鬱結，壽元較短；眉有瑕疵，兄弟宜遇凶險。

3.鼻為疾厄宮

鼻樑見青筋，心情憂鬱，亦易有輕微病痛；鼻樑見黑氣，健康惡化及家宅運轉差，尤其注意肺部健康；鼻樑彎曲，脊骨或手腳則易受損。如鼻見癦痣，要注意胃部問題，亦易吃錯藥；如顴骨有斑痣，自己或配偶易患肝病，46至47歲時尤其注意。

4.嘴部主腸胃

口部一帶既主晚年，也代表消化系統及飲食問題。嘴唇宜色澤紅潤，代表健康良好，精神飽滿；唇色帶白為體弱之象，長期如此則是先天血氣不足。嘴唇有痣或有「食癦」，腸胃易有毛病，尤其要慎防胃出血。

俠女卜卜嬋教路：三個「健康達人」星座

俠女卜卜嬋 Profile阿嬋的外衣、霍金的心智，鼓吹科學地看星座。2015起於大小市集及電台節目中出沒講佔星。願望是人人都知道自己的上升星座。（fb@俠女卜卜嬋）

卜卜嬋金句：「健康達人No.1一定係處女座，活得正確係佢哋做人目標，加上又係天生的problem solver，會鑽研相關的健康知識再落手落腳實行，總之就要解決各種身體問題，有時會顯得過分神經質。山羊就唔會花咁多資源去追求健康，但會用簡單方法堅持落去，好似村上春樹咁，為咗寫好小說而去跑馬拉松鍛鍊心志。至於巨蟹天生運動能力其實唔高，但因為怕死怕肥怕病，都容易特別關注健康問題。」