真女神！隱退藝人、瑜珈導師鍾麗淇已40歲，保養得宜身形fit爆！教你4招專業凍齡法則～！

真女神！隱退藝人、瑜珈導師鍾麗淇已40歲，保養得宜身形fit爆！教你4招專業凍齡法則～！

大家仲記唔記得鍾麗淇呢？雖然佢個名成日都被人同鍾麗緹搞亂，但相信有睇開電視嘅觀眾對佢仍然有印像！因為隱退做瑜珈導師前鍾麗淇係 TVB 出演過唔少嘅經典劇集～唔驚唔覺佢今年已40歲，但仍然十分保養得宜，同佢有做瑜珈習慣同飲食有關，仲散發著一種少女味，呢D先係真女神呢，仙氣飄飄～就俾小編話你知鍾麗淇教嘅4招專業凍齡法則啦！

淡出娛樂圈近十年，但Margaret 仍係唔少人心目中嘅性感女神，當年她係幕前亦常以性感打扮示人，真係好吸睛！

法則一：瑜伽提升身心靈 

因為鍾麗淇係一位瑜伽導師，運動令人變得年輕的確係真理～而瑜伽除了具有一般運動對體態上嘅好處，更能提升心理質素及靈性，令人達至一個更平和嘅境界，相信係她嘅美肌凍齡心得之一！

已40歲嘅鍾麗淇仍然少女味十足，做起瑜珈上黎形象健康，仙氣急升呢～

法則二：飲食健康，親自下廚，凡事自己黎！

愛煮食嘅人通常比較健康，因為唔洗出街食味精食物，自煮食物都少左香料、加工程序等！身為兩女之母嘅鍾麗淇亦係愛下廚之人，係她嘅分享中，唔難睇到佢為家人下廚嘅菜式！ 

有菜有肉有蛋，飲食十分均勻～

連選擇嘅食物產品都係有機！

法則三：找到適合護膚品 

企係少女旁嘅佢同真正少女分別無幾！大家都好好奇佢用咩保養護膚品令佢嘅肌膚咁凍齡呢～

原來雖然唔係個個都適合用油性護膚品，但佢話只要選擇到合適嘅護膚產品，即使油性都能好好配合自己嘅膚質～而且佢唔似一般藝人或者 KOL 幫護膚品牌賣廣告，只有間中真心分享自己愛用嘅產品，字裡行間中亦透露左自己嘅護膚心得！ 

法則四：懂得享受自己嘅生活，快樂可以好簡單

鍾麗淇係一個樂觀愛笑女生，自從生下大女後就醉心家庭生活，淡出名利圈，而且作為瑜珈導師，專注自己嘅生活。面對大女Isabella 有罕見基因病，她除左無微不至照顧女兒，更成立慈善組織 Beyond Fund，為有特殊需要嘅小朋友提供專業治療，協助佢地投入正常生活，可以話係善心爆燈！

仲要閒時識得自我進修，加上無因為女兒嘅病而變得消極，所以樂觀愛笑嘅女生難怪都特別靚呢～

所以，好似鍾麗淇咁嘅女仔係小編心目中先係真．女神！

參考來源