聽朋友講"停屍間"人工有3萬7千蚊，我就走左去做停屍間..點知咁就奶左野
9UP01
今次係我有一個FD既事,佢叫阿文,佢屋企係無乜錢,有一個阿哥,佢阿哥係果D成日失
蹤夜生活果D人你明啦,有一日阿文一番屋企就聽到佢阿哥同老豆老媽炒大獲,又係為
$,但今次吾同既係改變左阿文一生既.....原來佢阿哥經人介紹去左一間醫院度做,做
乜工?就係停屍間(我吾想打個字)既看守人!因為聽到人工高過出面D工成3倍,撲到去啦
,點知第一日番工已然頂吾順,重借左糧依家又話吾做,所以問屋企比$佢,佢玩曬D$啦
又吾番工,屋企人又無$,阿文好單純諗,人工高我頂你個位!!!叫佢番醫院改話佢去做,
佢阿哥即LU飯認啦,阿文一心諗我無害人,吾怕既,但係佢老媽就好擔心.....
阿文番工照公司指引做野,裝下香呀,巡下無乜野呀,,點知....過左2日,佢半夜開始聽
到好多聲音係停X間傳出來..開始以為係自己嚇自己..慢慢佢發覺吾係聽錯係真係有
聲,吾同時間有吾同聲音,有打櫃筒聲,笑聲,哭聲同叫聲,之前佢阿哥已經叫佢自己執
生,原來咁堅!但佢吾想吾做,一來人工吾少,二來佢吾想比人睇死佢一家人無信用無出
息,死頂左幾日阿文終於同佢老媽講醫院既情況,佢媽當然叫佢吾好做啦但佢死撐話想
搵D錢番來,之後佢諗吾攪我,我自己睇書聽收音機扮吾知囉...但吾係咁簡單,果D聲係
直接傳入個腦咁,好辛苦,阿文番到屋企都發惡夢,佢媽見佢一日殘過一日就走去求左
一道平安符同比左一本佛經佢,佢半信半疑都攞左番工,重攞左一本PLAYBOY來充喜下!
到左半夜D聲都好多令都阿文好煩到好嬲,佢一嬲D書趺左落地,佢執左本佛經就試下啦
,佢吾敢念出聲就係心唸,好神奇個心好似即刻定番曬,佢就一路諗吾好攪我,吾好攪我
吾好攪我吾好攪我...
自從唸左經個人定左好多又無乜野發生,阿文就好平靜啦,點知有一晚,佢半夜發覺開
始有叩櫃筒聲,重越來越大聲,佢開始吾想理,但係D聲好大,佢吾理遲早都會有人發覺
要佢去睇,佢打比上頭又無人聽,佢就去眅下停X間,係門口佢開始聽到"好辛苦,救我呀
好辛苦,救我呀好辛苦,救我呀"
阿文點左一大扎香,心諗死就死,會你一次!心呼吸行埋個櫃度..一手打開同時彈開左
幾部,佢未敢第一時間睇入面,突然有幾隻好白既手指頭放係金屬櫃筒邊,阿文嚇到跌
左係地下行吾到!即刻心中唸唸有詞,南嘸阿爾陀,南嘸阿爾陀南嘸阿爾陀.....
突然有把聲"好辛苦,救我呀,好辛苦,救我呀,未死呀!"阿文醒一醒,未死呀即是人啦,佢一睇入面有個7-80歲阿伯係個包膠袋入面伸隻手出來...一支箭衝上樓去搵人幫手,之後個伯救得番,原來之前心臟病以為心停止左就打包了......後來阿文成日同人講心中無愧就乜都吾驚;幾個月之後,做左成年,阿文想吾做,點知個阿伯來搵佢話介紹佢去做番份有前途D既工,個阿伯係公司老闆,阿文就去佢公司做,文員仔做起,夜晚又去讀COURSE,又放假成日做義工,重係做義工識左佢個老婆仔添....依家有時飲茶都會撞到佢一家大細,升左職同老豆老母搬左樓,幾好.....佢阿哥?失蹤啦!....
後記阿文話當時夜更後來D聲都重有,但佢開始覺得佢地好應該同情,之後佢唸經係迴向佢地!
完
分享到Line