大家要拍拖結婚，千祈唔好同女警拍拖！

是咁的，我係男32，正常樣，正當職業，但拍拖經驗唔多。

上個月識左個女仔，中女30歲，但樣似26。小肥（佢堅稱），165cm 135磅。開頭佢只係話自己做公墓員，識耐左先比我發現佢原來做慈母。

咁好啦，因為佢之前同ex 散左，就去speed dating 搵食，我見大家都幾好傾，又約下出嚟食飯咁。

咁開頭見佢斯斯文文咁，又有大學學位，雖然係慈母，反正我又有戀母情意結，咪試下一齊囉。點知好快就發現，佢原來好難口，成日都講粗口，搞到我日日都被吊。

咁我雖然咸濕，但係自細信敎所以反對婚前性行為，佢知道左就不停恥笑我，仲話我四十歲都仲係處男，真係諗起都火火地。

咁好啦，其實發現原來同一個返shift 嘅人拍拖真係好大問題。

首先我返朝九晚六，但差婆日日返唔同時間，咁好啦。咁我認自己咸濕，放假呀或者星期六日都想有人陪我一齊休息下親熱下，但佢又要返工，真係同無女朋友一樣。

好嚟，唔好講到我咁賤格先，正常人都會臨瞓前同男/女朋友傾下電話，但佢返早又話瞓左，返中更又剛剛到屋企，返夜更又話返緊工。其實真係好無引。

佢差館又多狗公，成日藉故痴埋差婆到，但其實個個一係有老婆或女友，一係就一放工北上或本地141。作為男人，真係會日日提心吊膽。

＿＿＿＿＿＿＿＿＿＿＿＿＿＿＿

香港女性警務人員，綽號「警花」，俗稱「差婆」，又稱「Madam」，在香港警務處中，女性警務人員所佔比例近15%，其中督察級的督察當中，逾20%為女性警務人員，其女性警務人員比例為全世界最高之一

「慈母」，源自2014年12月下旬「雨傘革命」佔領行動結束後，香港警務處處長曾偉雄接受電視台訪問中的言論，結果成為網上流行的潮語。

參考來源