港女 : 「香港女仔有咁差我一個都唔識，垃圾港男反而見唔少」

我係90後女生, 我覺得女仔可能比較懶去同唔識既人分享感受,不過我對於網上一面倒既言論,令好想分享下以下兩件真人真事,好長

一

朋友算係一個樣貌幾清秀既女仔,就係大部分人都會覺得係既天然靚女(素顏都俾人讚),性格溫馴對人好,唔收兵,唔擺性感相上網比人睇,通常呢啲女仔係最慘...因為通常啲男人追佢係為左佢個樣,相處落覺得佢性格好就可以蝦得。佢個ex(佢同學黎)就係,開頭年幾兩年都對佢好好,朋友都諗住拍得好地地第時可以結婚,畢竟初戀可以走到去結婚係幾咁幸福既事。佢個ex成日曬命比人知個女朋友有幾靚,但知道個女朋友幾就得人就事無大小都發脾氣同鬧佢。最後朋友忍無可忍之下同佢分手，分手一年先喺佢啲朋友口中聽返原來個ex開頭追佢係覺得佢屋企有錢，第時可以有啲著數。註:朋友只係中產，稱唔上有錢，個ex就係屬於低收入家庭。你可以幻想到一個全心付出既人受背叛同被騙既感覺。

二.

之前公司一個比較宅同唔打扮既90後男同事(0拍拖經驗,0追女仔經驗)，做左兩年，暗戀過五個女同事。有時佢同我講開，我問佢點解唔試下追人呢...佢話"我怕佢知道左我鐘意佢佢會收我做兵...咁我唔想做兵呀嘛"

<完>

而家網上成日講話香港女仔有幾差,有好既香港女仔,你地deserve嗎？到底幾多香港女仔有咁差我一個都唔識，男既cheap反而見唔少(都有正常既)。

一味鬧人果啲，你地到底係只鐘情啲濃妝假樣扮清純既女仔定係你地根本無拍過拖又學人鬧呀？！

網上見到某啲言論話要樣靚身材正拍拖AA制仲有係咁踩低女性做乜都係為左錢，你地咁註明要AA制難道你地又唔係計較緊錢？難道話女性貪錢，男性唔貪錢嗎？係唔係踩多啲女性可以俾你地洗少啲錢又易啲追到女仔呢？係唔係覺得個女仔同你一齊係佢既榮幸要多謝你要佢呀？恭喜你呀你真係以為自己係皇帝！

如果你只係一味遇上差質素既人你應該有啲自我反省。

如果你無拍過拖又以為個現實世界同網上啲人講既一樣所以你好怕虧底，咁唔該你出去望下個世界先，得個講字無用。

雖然每日都會有好唔開心既事，但希望每個人都有正能量走下去。

參考來源