【真人真事】都痴線既!! 以後去旅行真係唔好同公司D同事講，成班僕街黎..

GreatDaily

上星期去左旅行,得幾日假可以請..所以近近地去左台灣算...

自己部門同事知道都正常,因為都要交低d 文件比佢地幫手處理..

有日另一部門女同事(其實都唔算好熟,見面say hi同88果d,叮飯見到面都係一兩句)..

咁佢知道我去台灣啦..就叫我幫手買鴨舌同糖村仲有太陽餅..

咁我都同佢講買到就買啦,唔會刻意去搵,加上我自己都有好多野要買,

咁佢本身都ok..點知有日佢無啦啦lunch 走過黎比左張紙我,叫我幫佢買..

我真係 o 左咀.. 我話:唔好意思呀..幫唔到你咁多.. 最多買鴨舌同太陽餅..因為我都要買比屋企人所以順便買埋

佢就話:你盡量買啦,買到就買啦..(佢仲要好心到寫埋邊間shop 買..張list最少有10樣要買,包括眼線筆,洗面膏等等.. )

GreatDaily

好... 到我去完旅行返黎就出事.. 我果日淨係比左鴨舌同太陽餅佢,

佢就黑黑地面話我:你唔係ma..真係買左2樣咋? 你幫唔到我就唔好應承啦..

我真係唔知講咩好... 之後我話返部自己部門同事知.. 佢地都覺得佢好有問題..

唉.. 以後都唔會幫人買野.. 去旅行都唔會同人講..

有次和朋友去旅行，

其中一日陪佢買嘢比同事，

而朋友又好緊張，好驚買唔到，

買比高層的手信又要貴。。。。

因為佢怕買唔到，會有說話聽。。

(真人真事) 都痴線既!! 以後去旅行真係唔好同公司D同事講，成班人渣...竟然咁都做得出

_________

老老實實，去旅行 買手信 畀朋友、同事、屋企人本身無乜問題…但唔知幾時開始，買手信 變成奉旨一定要做嘅動作，你唔買，就係唔識時務。仲有以下呢幾樣嘢就最黑人憎！

我公司一直以來都有個潛規則，就係你可以請大假，可以去旅行，但一定要買手信畀勞苦功高嘅同事。

點解呢？據同事說法，當你放假去旅行，同事就要幫你處理所有工作，幫你執手尾，令大家工作負擔增加。所以返到嚟香港，你唔請飲茶，都一定要奉上令大家滿意嘅手信。

我唔明白呢個係咩道理，公司每個同事都有大假，我放假時你執手尾，輪到你放假，我一樣要幫返你。點解一定要買手信呢？如果我請假留喺香港休息，係咪要買返每人一底雞蛋仔先得呢？

好啦，當你咁樣問佢，同事就會話你小家，幾十蚊都斤斤計較…

參考來源