【中伏！】辛辛苦苦捱完議會扎鐵班，之後加入失業大軍。。。
9UP01
辛辛苦苦捱完果4個月5000$
認識左5班師兄
畢業後議會介紹見工
全部都唔請
所有師兄一齊加入失業大軍
平均一班17人
每班得3個人真係讀完係有工番
1000$一日扣埋強積金實際950$
當然無報紙上講咁美好咩番紮鐵一個月6萬$係無咩可能
因為大工都係2250$ 你開足OT先有 事實上係好少會OT
讀完議會出黎好多人都係無工番
仲係到等緊消息
最僕街係D老細唔請你唔會同你講
只會叫你等 , 因為佢唔知佢幾時需要人用
新力軍年輕力壯唔請
老野更加肯定唔請
要請佢地都請熟手
議會都無工係手介紹
依加紮鐵界已經飽和了嗎
做得捱得勤力都未必有工番
因為未做已經炒你
邊到有工番
最慘係議會仲不停出新閒話紮鐵好好搵
人工好高....只要肯捱前途好好....根本就完全唔係果回事
體格唔係勁強壯根本捱唔住...無工開想捱都無得捱係重點
最笨柒就係讀議會課程
依加比我重新簡我會讀天和同超記果D一路做一路學果D
佢一開始最吸引人讀既地方就係話議會幫你搵埋工
結果就係議會都無工在手
————
正常。現在香港人任何工程只會覺得大白象，仲之錢就唔想比，但又要起好多樓，但唔好起係自己住既附近，塞車阻住我就唔得。
所以香港人支持拉布議員，香港零工程就最掂。
————
唔撚係掛? 我岩岩先報左個批盪班 27號上堂 仲上唔上好呀??
————
凍天D師傅番曬嚟做啦。。點會有位俾新仔
等到五六月開始熱果陣又會要番人了
同埋呢行真係識人就人工高好多
————
我就係比依個版既post紮鐵苦與樂呃左入行
依加諗番應該都係議會打手黎囉
好彩我兄弟識人介紹左我入場做啦
四月開始要有牌先做得紮鐵
分享到Line