排毒水自製配方！？樂基兒婚前獨門瘦身秘訣，教你消脂、排毒、去水腫～！
easyslim
排毒水自製配方！？樂基兒婚前獨門瘦身秘訣，教你消脂、排毒、去水腫～！
樂基兒早前就同圈外男友喺美國行禮結婚，真係一個非常令人開心嘅消息，宜家嘅佢內與外都散發出一種好氣息～
一路有包包面嘅樂基兒，成日會比人一種圈碌碌嘅感覺，不過佢近年嚟就迷上咗做瑜伽，仲考獲教練資格！原來佢喺婚前都有一啲瘦身獨門秘方，等自己可以以最佳狀態示人，今次就等小編推介比大家啦～！
1. 每日至少做瑜伽一個小時 瑜伽樂基兒每日都必做嘅事，而且最少做一個鐘～如果夠時間嘅話，仲會做兩至三個鐘～佢非常享受做瑜伽，同時佢都好鐘意滑浪、室內單車同跳舞等～
2. 愛做高難度動作 Gaile身手好靈活，所以可以應付到大幅度嘅伸展動作，而呢啲較高難度嘅動作，都可以幫到佢鍛練到平時少用到嘅肌肉～
3. 有熱情和動力 佢以前會覺得做運動係為咗keep fit，但係宜家心態唔同咗，變成做一啲自己鐘意做嘅運動～當對嗰件事擁有熱情，就自然會有動力！逼自己做唔鐘意嘅運動，唔會堅持得耐，保持熱情係非常重要
4. 鍾情跳舞 除咗瑜伽之外，Gaile好鐘意跳舞，可以出汗又可以鍛鍊線條～佢尤其係鐘意Latin Dance ，因為呢種舞好注重臀部同埋下身嘅擺動，加埋充滿節奏感，非常好玩～
5. 練習拗腰 樂基兒覺得運動係一種好好嘅生活習慣，宜家佢最專注就係鍛鍊身體靈活性～佢會練習拗腰，保持脊骨有彈性，令自己可以繼續靈活。
6. 增強柔軟度 除咗瘦身之外，佢仲好著重身體嘅柔軟度同埋肌肉耐力，所以會各種有幫助嘅pilates
7. 戒鹽份去水腫
Gaile覺得即使幾瘦都好，只要個人水腫，都會唔好睇～於是佢為咗避免水腫，就喺婚禮之前戒鹽份，又多食鹼性食物，佢會食大量蔬菜同水果，會揀一啲已經煮熟嘅蔬菜嚟食，因為佢嘅體質唔適合食生冷嘅蔬菜，而且佢會用蒸、烚、炒嘅方法去煮～同時都會食白肉，即係魚類同雞肉，佢地比紅肉清淡啲，可以舒緩水腫
8. 自製薑檸水排毒
佢仲有獨門嘅薑檸水秘方，可以幫助排毒～Gaile每日朝早，都會飲自製嘅檸檬薑水，用5個檸檬，先榨出檸檬汁嚟備用，之後將所有檸檬皮加兩公升水煲滾，再加入10片薑一齊煲，飲嘅時候再加一啲薑黃，可以潔淨體內，有助腸胃蠕動，仲可人以幫手排毒～
9. 三餐健康
Gaile覺得食得健康之餘，都一定要滿足自己口味，佢每日三餐都好清淡，早餐會食兩隻煎蛋，同埋唔同水果、乳酪，再加一啲燕麥片；午餐就比較彈性，成日會食雞肉、pasta等；而晚餐就會更加清淡，佢會飲湯、烚菜、烤雞肉，夜晚盡量都唔會食碳水化合物嘅食物～
分享到Line