同港女拍拖後，佢會出現D 10個小動作，中左6個以上佢就係港女！？

雖然大家都深深體會到「女人心，海底針」嘅道理，但有時候唔單止係因為自己理解唔到對方而令自己好忟，而係對方無理會過自己感受所以先會令你怒火中燒。咁究竟係唔同嘅處境當中，有邊啲係會特別令男士嬲到發癲嘅缺點呢？相信當中一定會包含以下10點！

10. 被要求share野食

同另一半去餐廳食飯，見食完曬主菜個肚仲有位，自己就不如叫多個甜品滿足下自己啦！順便問下女朋友想食乜，佢就答話自己好飽食唔落就唔叫。到上甜品嘅時候人地waiter見你兩個人，於是就比多套餐具你。哈！如果你到最後份甜品可以食到一半份量，咁你真係好好彩囉！

9. 次次出街都遲到

雖然都知道女仔出街要預啲時間裝身，但如果次次出親黎都奉旨遲到半個鐘以上，就真係令人非常憤怒，尤其係約左去睇戲或者book左檯食飯咁。

8. 用親熱要脅你

如果你發現自己同另一半嘅生活，係你哄得佢開心嘅時候先有得親熱，唔開心嘅時候就當正你係阿四咁使嘅話，咁可能佢就係想用性生活嚟要脅緊你。

7. 從來唔放低手上電話

同你出街但就機不離手，真係唔知道身為男朋友嘅自己緊要啲，定佢手機入面啲朋友或者無聊文章緊要啲囉！唔緊要嘅！你玩手機咁我地就乘機睇下街上面嘅靚女囉！

6. 唔比你讚佢

就算你真係覺得佢個新髮型靚左，或者望落瘦左都好，一讚佢佢就會借題發揮，例如話你之前無留意佢，又或者即係佢之前好肥咁。總之點都好，你講乜佢都會嬲左你啦！

5. 覺得你識讀心術

都話左「女人心，海底針」洛，唔係個個都知道嘅咩？明顯唔係啦！佢地無時無刻都會想你係讀心師咁睇到曬佢地想要啲乜野，坦白講要做到100%，根本就係無可能啦！

4. 令你覺得內疚

為左令您完成佢想你做到嘅野，佢會講出一啲難聽嘅說話嚟令你覺得唔做就會內疚，甚至係當你拒絕左之後做番啲小動作嚟報復。

3. 「我無野呀」

就算你一睇就睇得出佢係有啲唔妥，例如唔開心咁，但當你想問清楚佢發生乜野事嘅時候，佢都會答你「我無野呀」。雖然睇落佢好似唔在乎咁，但心底裡如果你唔追問落去等佢講出嚟嘅話，佢之後就一定會大發脾氣，話你當時無關心佢。

2. 記仇

如果你曾經錯犯一次，但佢之後每一次都會提住你曾經出錯，超級記仇嘅話，真係有時會逼到人都癲架！我做錯過我其實記得架！有改過就得啦！

1. 問埋啲點答都會比佢憎死嘅問題

有啲女孩子好興問埋啲人地男朋友點答都會出事嘅問題，例如「我咁著會唔會肥」、「我朋友Carol靚唔靚」咁，身為男人嘅你一定知道，無論自己答正定係答反，最終都會出曬事，鬧交收場。

參考來源