阿明：「做左幾個月財仔收數佬，為左收到條數,去淋人地紅油其實係好基本」

財仔收數佬，一般人聽到呢個名，十個有十個即時會聯想到九十年代港產片入面，左青龍右白虎好勇鬥狠、著衫唔扣鈕揸住把牛肉刀嘅大隻佬。而隨住時代進步，呢個行業似乎亦轉緊型，做咗幾個月收數佬嘅巴打食神到行得正企得正，重自稱冇做過犯法嘢，同巴絲玩你問我答。

無論邊一行，巴絲打最關心嘅梗係入行同就業前景，勁嗚人士問：「好唔好做？幾錢人工？點入行？？」唔講唔知，原來家陣做呢行同畢業生見IT一樣，都係睇嚇jobsbb、奴工處，然後send CV出去：「其實都算好做，因為番工係你畀氣啲客受，而唔係受啲客氣，有時心情唔好重可以搵啲債仔來罵。人工就睇你咩post同咩公司，我初入職時其實同其他office工嘅人工冇咩分別。」

不過查實借得財仔嘅三教九流咩人都有，巴打透露遇過嘅債仔真嘅黐線佬又有、扮癲嘅又有：「有個男嘅借完錢，再用變聲器扮埋佢老婆打電話來借錢，到最後有次佢唔記得用變聲器，用咗真聲扮佢老婆先穿煲:o)。事後做佢呢隻loan個同事畀人炒咗:~(！」真係令人眼界大開。想了解多啲，入post爬文喇喂。

問：遇過最痴線既債仔係點?

答：真係既痴線佬又有 ，扮癲既又有 ，有個男既借完錢, 再用變聲器扮埋佢老婆打電話來借錢, 到最後有次佢唔記得用變聲器, 用左真聲扮佢老婆, 先穿煲！事後做佢依隻loan個同事俾人炒左

問：有冇衝過紅燈？

答：有！我指番工既工作內容上無做過犯法野姐

問：宜家多唔多人冇錢還?

答：多啦, 我做個間係二線財仔, 借完即刻舉手既又有, 俾假資料既又有, 冒人來借既又有, 賴死唔還都有

問：好唔好做??幾錢人工?? 點入行?

答：其實都算好做, 因為番工係你俾氣啲客受, 而唔係受啲客氣 有時心情唔好, 仲可以搵啲債仔來罵 人工就睇你咩post同咩公司我初入職時其實同其他office工既人工無咩分別 點入行就都係睇下jobdb/奴工處, 然後send cv

問：無做過犯法野都收到數 你唔好話自己做過財仔

答：分工合作架嘛, 踩界野通常就唔係我去做 ！其他野亦會扔俾收數公司去做

問：有冇13K?

答：有

問：爛數放幾耐就close file ?

答：我公司做法係三個月搵唔到人就扔俾收數, 收數會有兩個月時間, 夾埋5個月都搵唔到人既話就會bad debt 但每半/一年都會重新再update bad debt既tu, 睇下有無新既資料, 真係無話完全close曬唔理

問：俾人搵到, 禍及家人個喎, 唔著數架, 好大風險, 你肯定你啲個人資料真係收得咁密實? 同埋唔抵搏架, 如果筆錢係大架, 公司唔會就咁算數 犯法野唔教啦

答：依行有邊間財仔會咁正氣俾人呃左錢都由佢架！銀行依啲都唔會啦

問：最多試過借幾錢比人？

答：唔係我借架, 我負責追架咋

問：咩叫tu ?

答：信貸報告, 有曬你所有信用卡/借貸既紀錄, 而且當時你報左咩地址/電話都會有埋係tu度睇到

問：好耐好耐好耐之前聽人講過故仔，以前開財仔無現在咁專業化，追個d人好多都亂屌廿四，總之將債仔全家問候齊，但點知有次個債仔原來有d背景的，而條數都幾大，個債仔唔順氣下搵左班人同佢出頭，於是有日臨收工有班人衝左上間財仔，咁又無做咩野，只不過將間財仔內每個staff 都影左張相

答：依啲故仔我都聽唔少 ！我聽我team leader講佢以前做個時, 去到一間公屋, 一打開門就入面就有10幾個公仔佬係度, 個債仔就係入面, 佢地都心知不妙, 最後俾啲公仔佬圍住打左獲先放佢地走

問：你地返夜返到幾點最夜！洗唔洗ot?

答：幾點都試過, 我最遲試過番9放11半 ，最忙個幾日都要ot

問：咁其實間野好難做姐！個個都唔還 賺毛

答：所以二線個啲收人50幾釐息, 就係用來COVER番啲走路既債仔

問：係 要鎖係locker 有閉路影全場！點解要咁做

答：因為近年好撚多財仔報稱客戶資料被盜，實際其實係一班做過街邊寛頻既人出黎搵食。但財仔為左避嫌，唔比員工帶手機影客戶data

問：有無d 債仔惡過你？咁點解決?

答：收佢線，直接搵佢屋企人/朋友

如果佢已經斷左六親就即刻上門送信

都無用既就電話係咁炸佢/屋企人/朋友

總之令佢覺得你煩到嘔，佢都唔還既話咁就扔俾收數

問：其實想問下你地自己內部其實係咪有指引遲60日先放去俾第二間公司？ 定係幾多日？

因為早幾年試過遲十日就已經不斷狂炸電話又話出信上門又話要清全數

定係靠嚇居多？

答：靠嚇既姐，遲10日點會扔俾收數，收數拆傭架，公司唔會俾你咁易就扔俾收數

要你清全數，一係就覺得你有可疑，所以認真想追你全數

如果唔係既話，就都係靠嚇既姐。

至於你話指引，會有既，但如果你太串或者太賴皮既話都可以同leader講，一係佢來追，一係就即刻扔俾收數

其實財仔收數佬講啲野都係靠嚇既姐，但如果真係收數公司或者黑財個啲就另計。

問：點樣先會借完錢唔洗還

答：你家人攞你死亡證去間財仔就可以唔洗還

問：我前排有個FD

過大海中左D疊馬仔計

係澳門比人呃左借左8萬蚊泥馬

比人閞照上船再落船

比香港呢邊D財仔接落船.話澳門筆數比佢地買左.

迫佢簽左由8蚊變左18萬

其實呢D數明顯就係屈返黎.無啦啦8萬變18萬

但如果唔還會點?

答：呢d唔係財仔係大耳x借左唔還死路一條！識人仲可以傾下還小d

問：如果d債仔比人捉左去坐監或入左廠還唔到幾個月咁點算，佢又比到醫生紙或監獄紙你地

答：試下哄下佢屋企人會唔會幫佢還, 依啲情況經常都有, 如果屋企人唔肯幫手既就會都係做下啲例牌野, 例如上門/痴傳單, 無反應就扮下好努力叫佢屋企人還, 扮到盡曬力咁, 之後等bad debt就算鳩數。

參考來源