衰仔帶MK妹翻屋企同居：間房一陣臭味！！

我個仔帶女朋友返嚟住，同居，仲激氣，乜嘢都唔做，煮埋飯比佢食，仲餐餐飯要我仔叫幾次才披頭散髮施施然出嚟食，食完從來唔幫手執台洗碗。烏糟衣服堆到成座山咁要我幫佢洗，仲要有暗病唔出聲，直到有一次幫佢洗衣服見到佢條底褲有癑、有黃黃黑黑的分泌物⋯再摷佢地間房，發覺佢女朋友收埋d醫暗病的藥⋯

個女仔樣樣都好烏糟，沖完涼成個洗手間地下濕立立，仲有好多長頭髮留在地下，出廳吹頭髮又留一囃長頭發，從來唔會執，入到間房仲恐怖，亂七八糟，2個都唔執房，而且台面、床上、地下都有大量用過的紙巾，而且仲散發一陣_＿味，⋯過佐好耐才發覺個女仔係做ＰＴＧfd的,阿仔仲同個女仔拍佐2年拖。我曾經試過趕個女仔走，我仔發曬癲，想打我，幸好老公在，出盡力抱住阻止佢！

當然，都係怪自已個仔唔生性，唔識唸，做得唔好。個仔15嵗就開始帶女仔返屋企住，直到現在21嵗，都唔記得佢帶過幾多個女仔返嚟住，個個都搞到一鍋泡，搞到留班又有，差d比人告衰十一又有，報警又有，比人打到入急症室又有，比人屋企門口淋屎淋尿又有，惹埋暗病比阿媽又有⋯

屋企多佐個陌生人，真係住得好唔舒服，屋企地方細，感覺生活冇曬隱私，仲要老馮做埋阿四。同埋我個仔正衰仔，佢話我思想落後，現在D 90後都係咁，唔使比家用，外面屋租貴，都係帶女回家住的，都唔使做家務，仲嫌我有病，唔出去工作，留在屋企幫佢執下手尾都同佢計較，而佢呢2年來，都係比過$1500蚊我⋯

仲話我，點解只是生佢一個，有冇諗過佢將來幾大生活壓力，佢將來要養老婆仔女好大開支，如果女方家又有老人的話，他邊有能力養四大長老⋯問我，有冇唸過我老佐點算？我有病痛，冇工作10個月，由老公一人養家，全家的開支僅夠維持，兒子出來工作2年，家中開支從不關心，最近還貸款買了架寶馬二手車，叫佢比家用，仲分2次比，加埋比佐$1500，佢仲話我唔做嘢，香港地有邊個出來做嘢唔會做到周身骨痛架，出面有幾多老人家老到企都企唔直都仲要出來工作賺錢，我這些病痛算什麼⋯⋯

講出來發洩下，因為真係好激氣

參考來源