【感謝天父】識玩一定係而家去澳門

（唔洗搵喇，旅遊達人已刪POST）

澳門被天鴿蹂躪，滿目蒼夷之際，就有香港人選擇過大海。

乜人都有架啦，見到呢類耶撚，一方面替身邊嘅基督徒唔抵，又有呢啲害群之馬，一方面又令我覺得，香港人真係好幸福，十號風球，多左日假，最多咪留喺屋企打機，落左波（甚至未落波），樓下就搵到嘢食，生活完全無受影響，幸福到可以唔睇新聞唔知澳門亂成點然後過兩日照過去「玩」。

仲「多謝」船公司升級頭等，「多謝」酒店送現金券。

嗯，真係多 _ 謝。

其實要感謝天父，都唔洗用呢個切入點嘅。

今次颱風天鴿，路過香港嗰陣，如果計美國標準，風速講緊係cat. 1: 119–153 km/h，但去到澳門，已經上升到cat. 3: 178–208 km/h，而且天鴿風眼壁直接吹正澳門，對澳門嘅破壞力比香港大很多。

已經唔係講緊個風如果吹左去大亞灣，吹爛左個核電站，大家一齊玩現實版Fallout 5。

__________

香港與澳門的災情，可謂天壤之別。始終，香港的安全系數一直天高。是故，香港雖然都有水浸狀況，但對比十多年前，渠務基建絕對不能同日而語；香港縱有大廈的玻璃窗戶在風暴中被毀，惟數目不算很多，最誇張的一宗則是窗外吊船撞擊所致，而非因為承受不了颱風風力；此外，香港也未見甚麼大面積的路面損毀情況。而且，值得留意的是，在風暴翌日，甚至是風暴除下的當天晚上，香港市民很大程度已能如常活動，包括外出用膳和上班之類，彷彿風暴影響僅僅限於那一瞬間，非似澳門至今斷電斷水仍未完全復常！

參考來源