男人唔壞，女人唔愛？老婆偷食比我發現.. 佢話連一歲大既仔都唔要..

已經成半年無同老婆行埋，每次佢唔係話攰就話無MOOD，對我冷淡左好多。有好幾次都見到佢夜媽媽同人Whatsapp係到甜笑，有少少懷疑佢。

前兩日趁佢沖涼忍唔住拎左佢電話黎睇，睇到佢whatsapp同一個男人有好多SEX對話。諗都無諗過佢會係咁，個一刻成個腦一片空白，拎住部電話隻手都震埋。

忍唔住同佢攤左牌，佢好坦白認左，呢個男人係佢同事，一齊左半年。仲話諗住同佢一齊，要同我離婚，連個仔都唔要。

點解一個女人可以話變就變，變到完全好似第二個人一樣，我地只係結左婚三年，仲要有個岩岩1歲既仔，呢三年我自問係一個好老公，每日放左工就算幾攰都買送煮埋飯，對佢千依百順，就算佢成日無理取鬧，鬧我鬧到隻狗咁侮辱我我都百般忍讓。

但佢就嫌我比唔到驚喜佢，無新鮮感。大佬呀，日日返工已經做到咁辛苦，仲要收工煮埋飯，點會仲有心思整驚喜？！女人係咪都咁犯賤？對佢好唔會珍惜？

而家一支公帶住個仔都唔知點搞，平日我又要返工，點睇住佢？！而家朝早惟有擺佢係呀媽到，但收左工返到去都睇唔住佢，呢幾日係廚房煮飯都好驚，驚佢唔知整到啲咩會受傷，有無計仔幫幫手。

網友睇唔過眼：

——大佬呀，呢D女人...... 由佢走啦，佢同事屌厭左佢，就會死番黎搵你，到時你自己再決定執唔執番佢啦，乜話？唔信我？同你輸賭五兜野，佢回頭當日，你輸五兜俾我.......

參考來源