港女：私樓仔同公屋仔根本冇分別，都係要陪佢捱！
9UP01
私樓仔同公屋仔根本冇分別
上任男友係私樓. 現任係公屋
其實無論住私樓另公屋最後都係殊途同歸
除非個私樓仔屋企有錢到可以拎多一球出黎上車
如果唔係其實最後都係一齊排公屋, 或者女方同外家一齊住
我ex唔算好有錢, 叫住上左車. 有層500幾尺既私樓.
但都係早十幾年買落. 呢家仲供緊. 管理費都要成千蚊
好老實講. even大家將來結婚組織家庭
唔係中六合彩既, 我一係住外家. 一係租樓
排公屋? 大家都知即使結左婚二人家庭. 都有排等.,等到既環境都好極有限
可能你會話私樓有得二按三按. 但我想講
一層樓閒閒地都供20年30年. 按左層樓.
一開二. 買新樓
一來要繼續無了期供. 二來男方要繼續負擔管理費,差餉等等雜費
三來我地仲要供新樓. 而最重要既係.
男方父母到時都到左退休年齡. 加按層樓對男方好唔公平.
仲未計男方可能本身有兄弟姐妹
咁最後都係回到起點. 排公屋或者捱貴租
現任男友係公屋仔. 屋企收入唔高
但勝在全家都好慳錢. 而且公屋租金低. 屋企人洗費又少
所以全家儲落都有幾十萬
大家都視對方為結婚對象
有時都會plan下將來一齊夾錢買返間二,三百尺既樓
EX屋企搵得唔多. 但因為供樓方面洗費多. 所以每個月月入都係岩岩好cover到條數
現任果個父母係藍領. 每人月入都係萬幾到
但識理財. 計落剩低既錢仲多
講到呢到. 其實都只係最同港女姐妹們講
係呢個年頭. 私樓仔公屋仔根本冇分別
除左富二代同本身家底有返咁上下既 (姐係本身有幾層樓果啲)
其他根本一樣.
分享到Line