田園？公司？凱撒沙律？營養師教你遠離沙律陷阱 真正越吃越瘦！

田園？公司？凱撒沙律？營養師教你遠離沙律陷阱 真正越吃越瘦！

要減肥，你會唔會餐餐揀食沙律？在你的心目中，會否認為沙律一定好健康？必定是輕食之選？如果有試過成日lunch 又或者dinner 食 沙律 減肥 的人士，但食足成個禮拜，磅數仍然維持不變，不要擔心及灰心，你不是注定這輩子是肥的，而是有機會墮入沙律陷阱！

市面上的沙律陷阱

想健康瘦身，今次就等營養師為你拆解下市面上的沙律危機！等你下次不要選錯沙律，減肥不了還有機會增磅！

Grilled Garden（田園沙律）

以各類蔬菜為主，集合牛油生菜、珊瑚生菜、南瓜、青瓜、黃瓜等，色彩繽紛的沙律確實好吸引。而且還寫著用上意大利黑醋的沙律， 就以為可以放心選擇，大口大口地吃，但原來當沙律飽含即使是健康的橄欖油也會因攝取過量熱量而容易增加脂肪形成。這盒Grilled Garden （田園沙律）已經有6茶匙油份。加上，咪以為食「菜」就一定高纖，如果沙律中用上低纖蔬菜，纖維含量也不會很高！這盒Grilled Garden 只有約3克纖維，只可當一份蔬菜量計算！

公司沙律

一盒公司沙律有菜、有蛋、有煙雞胸肉、有粟米、有青瓜等，熱量亦為約300千卡，以為很均衡，原來有超過七成熱量來自脂肪。吃完一盒沙律攝取接近5茶匙油分，已經佔了不少女性每日脂肪攝取量的一半quota。

凱撒雞肉沙律

雖然一盒細細沙律熱量不過300千卡，但因為用上含油量超高的凱薩沙律醬，而且又內含芝士及煙肉，計一計，都有近20克脂肪，即4茶匙油份，實在唔劃算！加上，細沙律欠缺提供足夠的碳水化合物以補充體力，容易令人肚餓。如果不當地配上了爆肥梳打餅，只是一盒約200克的沙律及一包30克重的梳打餅已經有近500千卡及6茶匙油分！

法式吞拿魚沙律

好多人認為吞拿魚健康，選擇吞拿魚沙律必定安全。不過，如果是配上沙律醬、蛋黃醬或白沙律汁等就要小心。這些市面上現成的醬汁可以熱量及脂肪含量都非常高，可以高達95%熱量由脂肪而來！這一款沙律，薯仔及吞拿魚均拌上主要由芥花籽油製成的白沙律汁，每100克沙律已有2茶匙油分，如果一盒重274克沙律，計算後有27.4克脂肪，即是5.5茶匙油分！

沙律 減肥 ，可以鷹嘴豆泥代！

食沙律之所以有機會致肥，原因在於中伏了「肥爆醬汁」陷阱。而且，市面上很多盒裝沙律營養配搭並不均衡，有機會欠缺足夠蛋白質及碳水化合物。長期中伏在此類沙律還有機會導致肌肉量流失，減慢新陳代謝，及令身體處於缺糖飢餓狀態，容易造成餐後大吃零食的現象。

所以，要利用「食沙律」來減肥，絕對不能亂食！如果在家自製沙律餐，建議選擇含較低脂的醬汁，甚至可以嘗試製作鷹嘴豆泥代替沙律醬。一來可以減少脂肪攝取、二來鷹嘴豆又含有蛋白質、碳水化合物及纖維，更有助延緩飽肚感！

自製鷹嘴豆泥VIDEO

登～登～登

【自製鷹嘴豆泥VIDEO】大家踴躍留言同 ，我哋好快手咁又拍、又剪、又整咗段片。雖然唔能夠同大場面嘅VIDEO製作相比，但完成製作品之後，我覺得都好有小品風味！我都已經OK滿意啦 

而最重要，係可以踏出一大步，令大家「零可能」出錯！話曬我將食材貼曬出嚟～每個步驟你都可以跟住整！ 

有少少貼士比大家 

1. 買芝麻醬最好買100% 芝麻成份。芝麻醬英文唔係sesame paste，嗰啲有機會含有添加成份，買嘅話就買Tahini！

2. 紅椒粉Paprika 唔係辣椒粉，嗰人覺得無咩味（可能我落等唔多），只係為靚啲而加係面。如果鷹嘴豆泥係自己食，用唔用都無所謂，不過小心買咗chilli powder又或者hot paprika，咁就會有辣味啦！

3. 如果鍾意味酸少少，檸檬汁其實可以加多啲！我做完個VIDEO，加多兩湯匙！哈哈～～

4. 鷹嘴豆泥可以密封樽裝起，建議保存期3-5天。不過我試過一星期都仲食得。

5. 雖然用上2湯匙油，又加芝麻醬，但係都唔好忘記用咗成罐鷹嘴豆做出鷹嘴豆泥。我同大家計咗，

約4平湯匙鷹嘴豆泥，都只係有約1茶匙油份。

6. 大家一定問鷹嘴豆泥可以點食。我自己會搽麵包、又會代替沙律醬用。有時都會配合切條蔬菜同吃。＃like完再like＃唔知大家滿唔滿意＃唔知有無人真係會整＃整完可以貼下製成品話我知＃大家都可以瘋狂share令人人都食得健康啲

上述的鷹嘴豆泥每四湯匙分量含有＝1茶匙油分＝1湯匙飯的碳水化合物＝半隻雞蛋中的蛋白質＝約1碗菜的纖維量

參考來源