真係唔好咁早結婚 ! 我依家揸住層樓 得閒就去下旅行媾下女真係好free ! 見班港女好心急，好猴擒咁搵目標 !

唔知係咪單身男人同單身女人到左呢個年齡，感覺會好唔同，

身邊果d到左三十歲都未有著落既女性朋友，會好心急，好猴擒咁搵目標，

但我男人老狗而家單身又發覺幾free，可能份工穩定得黎又算夠洗($50 k)，供緊層樓，

自己一個住唔洗比家用屋企，開支負擔到仲有多餘錢剩，

自由自在，鍾意去旅行就去旅行，去玩就去玩，有心情時就去媾下女，時不時仲會比女媾，覺得feel唔太啱又唔會想為拍拖而拍拖，

有時仲會同d fd出去玩下...(你知男人一條友住，要玩真係方便好多 )，

唯一只係身邊好多朋友都開始成家立室，少左相聚機會，但要出去識新朋友也不算難，

不過交心朋友愈黎愈少，同埋成日比屋企人親戚朋友同事追問幾時成家立室覺得煩之外，暫時覺得呢個階段單身真係幾自由幾唔錯

加上之前的戀愛經驗，知道點樣既拍拖生活同相處方式先適合自己，而家唔會貿貿然搵個對象黎綁實自己，

外人眼中可能覺得我高要求，但我只可以話我係謹慎左，

我到左呢個歲數真真正正開始了解自己，覺得性格唔太適合自己既女仔就無謂浪費人地時間，

我又唔會好似某d女性(or男性朋友)咁不甘寂寞，無拖拍會死咁，

太得閒的時候我都仲會繼續增值，讀書、學習唔同興趣、做運動keep自己體能同身型等等，真心覺得個人比以前有自信左同開心左

參考來源