又食又拎！一工有四嚿~22歲PTBF兼職男朋友爆行規：男仔冇蝕底！！

「其實說穿了，係做鴨！咁我係做緊呢樣嘢，我唔會同你講有分別。我哋會比較有道德啲，即係我哋唔會係又做，唔係又做。」

Peter(化名)22歲，係一個普通文員，同時亦都係一個兼職男朋友(Part-time boyfriend)。......

Peter嘅原因卻只係「貪玩」，「我相信本身我自己貪玩，嗰時得閒冇野做，份工得閒得滯。好奇心態驅使下開咗個IG就試嚇，等咗一段時間，大概一個月度，就約咗第一個喇。開頭心態已經唔係為錢，純粹係貪玩嘅心態。」Peter仲話如果係等洗錢，倒不如去「炒散」做侍應。

作為女仔，搵ptbf要畀錢之餘，仲要付出埋身體。點解咁蝕底都肯？Peter解釋只因「寂寞」兩字：「佢哋約得都係想人陪，做一啲男朋友會做嘅野，而唔係friend會做嘅嘢。可能佢哋冇男朋友或者可能悶。唱k搵個男仔陪下你，幫你蓋嚇衫，拖下手。」Peter仲好專業，會做足本份同埋交足功課，畀對方有拍拖嘅感覺，「點都會氹少少嘅，人哋畀咗錢你，你都要畀番少少功課人。即係好似你落酒吧溝女，你畀番少少功課先溝到人o架嘛。」真係估唔到依家連做ptbf，都要咁pro呀！

食飯唱k、行街睇戲，呢啲真係拖友會做的事；但做得ptbf，真係只有咁簡單？Peter就好坦白咁講，佢會接受同客人發生性行為，但都講「feel」o架，「其實你講得出嘅，我底線接受到都會做，而我嘅底線係唔好一嚟就去到sex。可能要約咗一次，例如你唱完k……願意情況下開口問我，咁我就會考慮。」問到佢當係純粹做嘢，抑或會投入感情，Peter話：「放少少感情，唔會太多。因為你只當係duty嘅話，又好似對佢好衰；你放感情又好似呃咗佢，所以通常都係一次唱k，佢想先會做。」不過感情還感情，數目要分明；若果要發生關係的話，就要另外收$400，房錢仲講明係對方畀o添；至於好似SM(性虐待)呢啲特別玩法，佢就話多多錢唔會接受喇。

對於ptbf同ptgf，唔少網民都會話佢哋係「雞，全部都是雞」；Peter都好有霸氣咁回應：「我哋係做緊呢樣嘢呀，吹咩？我哋只係想將嗰樣嘢美化得好啲，等我哋過得舒服啲。把口喺人地度……即係我哋都有自己嘅原因。」最近一眾ptgf被一個網上平台追撃，公開曬佢哋嘅相，Peter都話比以前更加小心，「通常我都要求客人去啲比較隱私度高嘅地方，例如k房或戲院。食飯都可能揀啲最角落位置，同埋都係我背住出面。」

最後問到Peter打算做幾耐，佢就斬釘截鐵話：「如果有女朋友就Stop喇！可能冇啦啦聽日瞓醒，我唔想玩，咪熄咗佢囉。總之有女朋友就一定Stop。」

入行年半，大概一共賺咗萬幾蚊 >> 冇蝕底,,抵到爛啦！

網友都睇完都話：

——美其名「貪玩先做啫」，我話你都圾戇嘅，梗係為咗錢啦，順便食免費雞。唔係為錢？喂，咁唔好收錢囉。講嘢老實啲好。

——講真呢d只會越做越cheap，講咩撚野底線？

作為一個男人當你好靚仔有型，做到咁你估人地仲會尊重你咩，如果你覺得做鴨係好威，咁只係你天真同幼稚，自我感覺良好

呢個世界好細，就算到你唔想比人知件事，你估又收得埋咩。

——半年得萬幾咪cheap過鴨

——唔怪得香港正經行業請唔到人⋯⋯⋯大部分人學人做鴨⋯⋯⋯

[https://youtu.be/LumSknEOxgg]

via：http://news.discuss.com.hk/viewthread.php?tid=26615071

資料來源：http://hk.apple.nextmedia.com/enews/realtime/20170428/56622649