5組情侶的專屬健身動作～原來運動也可以成為日常的甜蜜活動！

​

5組情侶的專屬健身動作～原來運動也可以成為日常的甜蜜活動！

做運動唔一定係孤獨嫁，佢可以成為情侶間一個好sweet嘅活動！不妨試下同男朋友一齊運動，絕對可以令你更加有動力～！小編今次就推介五組運動比大家，快啲把握每一分一秒，同男朋友一齊實行減肥大計啦！

Photo from Pinerest

1. Press up Claps

同掌上壓挺身嘅姿勢一樣，當手臂伸直嘅時候同男朋友high five，雙手輪流擊掌，呢個動作可以訓練到胸肌同手臂嘅肌肉～‌另外，當你同男友擊掌嘅時候，另一隻支撐地下嘅手需要用盡全力去保持平穩，咁樣就可以有效咁鍛鍊到腹同背肌

Photo from BETHEFITTEST@YouTube

2. Burpee Jumps & Plank

女生上身用前臂承托住身體，腳尖掂住地板，男友輕跳過女生，再係女仔旁邊做一次撐蹲立，呢個動作有助燃燒腹部脂肪，而女仔就可以減走bye bye肉！

Photo from BETHEFITTEST@YouTube

3. Sit up Claps

女仔同男朋友嘅雙腳互相蹺住做固定，再用腰部嘅力量起身，再同男友high five，同樣都係兩隻手輪流擊掌～呢個動作可以鍛鍊到腰同埋小腹肌肉，想減走肚腩嘅女仔就可以試下啦！

Photo from BETHEFITTEST@YouTube

4. Squats

同男朋友手拉住手一齊慢慢向後坐，用臀部嘅力量慢慢企起身～除咗可以鍛練到臀部，女仔嘅手臂同上半身都一樣可以訓鍊到！而且，呢個動作超級考驗情侶之間嘅默契！

Photo from BETHEFITTEST@YouTube

5. Leg Throws

女生訓喺男朋友兩隻腳中間，雙手捉實佢嘅小腿，然後向上提腿～男友雙手捉住女仔嘅腳，再輕輕力向下推，之後再重覆呢套動作~就可以訓練到男友嘅手臂同埋女仔嘅大腿！

參考來源