傻系mk仔係facebook用假相扮自己有女朋友，極速比事主發現篤爆

今時今日網絡世界發生的事層出不窮，真系同食神一樣，完全估佢唔到。今次小編又想同大家分享一個好似《愛麗絲夢遊仙境》咁充滿想像力的故事，話說有一位姓林的朋友(唔方便開全名，姑且就叫佢就林生啦) 上載咗自己「女朋友」的照片，話自己第一次咁專一地拍長拖，仲話呢個女朋友真系好重要雲雲，實在系賺人熱淚！

愛的宣言咁感人，有唔少朋友都替佢高興，紛紛留言支持。直到一位叫Kary的靚女留咗句︰「乜我識你咩」… 然後睇真啲，Kary張相系同林生個女朋友一樣！即系林生個女朋友其實唔識林生？即系點呀？唔通系有靈異事件？媽呀好亂呀！

Kary仲將林生個post轉載到自己Facebook，留言話︰「乜你好愛我咩 要偷可以偷張好睇小小 唔該你」於是就真相大白，原來系林生去Kary度隨便偷咗張相，然後就聲稱Kary系自己女朋友，仲可以打埋段咁感人的愛的宣言，真系「創作力量同幻想 會嚇你一跳」！

正所謂「識睇一定系睇留言」，大家睇嚇Kary同佢啲朋友點講先︰

Kary的言論又幾一針見血喎，自己同自己女朋友都未見過面，唔通系傳說中的「網戀」？

當大家以為林生會潛水的時候，佢竟然主動出現留言，話大家唔知咩事就胡亂攻擊佢，仲話自己女朋友之前Wts (Whatsapp？)真系用佢post嗰張相。然後大家的回應… 自己睇吧。

之後林生老是常出現，今次有圖有真相，見到有個女仔的Whatsapp頭像真系Kary個樣喎，唔通另有內情？

之後林生仲好灰咁話自己再次俾人呃，小編就覺得有兩個可能性︰第一就好簡單，阿林生偷咗Kary張相post上網，然後就當咗對方系女朋友，終極FF；第二呢，就系有人偷用咗Kary張相，之後同林生展開咗一段「網戀」… 但兩個可能性都有個大前提，就系林生拍拖系唔需要見到女朋友真人的…

隨著留言愈來愈多，林生的事跡就愈爆愈大… 有網友發現之前又系試過post另一個女仔上網，然後話同對方戀愛中，點知好快又俾女事主留言揭發佢偷圖扮拍拖，其實FF太多對身體無益o架…

之後又有網友爆料，見到一張附有照片的聲明，指相中男女在公眾場合「公然親熱/ 共同使用洗手間」，已經被點相及列入黑名單。網友話相中男子同林生本人極似…… 小編不予置評。

參考來源