讓座？Or not 讓座？定係做賜座男

【讓座的藝術】讓座？Or not 讓座？That is the question.

最近又有關於讓座嘅爭議喺討論區上議論紛紛，不過今次嘅主角唔再係老人家，而係年幼嘅小朋友。早前有Ching開帖，討論太年幼嘅小朋友應唔應該獨自佔一個座位；若唔應該佔座位，咁係咪需要讓座畀其他乘客。一眾網友從唔同角度分析事件，小弟就梳理出以下3項爭議點畀大家開放討論：

第 1 點：車資問題。假設小朋友冇畀車資，在理佢唔可以佔用座位。若果小朋友有畀車資，即有權利坐座位，咁佢重有冇其他原因需要讓座畀較佢年長而又有需要嘅乘客？

第 2 點：小朋友安全問題。幼兒嘅身體機能係未發育完全，體力不及成人，獨自坐一個位，有可能喺急剎車等情況下發生意外。讓父母手抱再讓座予其他乘客係咪會更安全？同時合乎效益呢？

第 3 點：延伸討論。公共座位係先到先得，小朋友若然先得座位，理論上係毋須讓座。但如果情況調轉，成人又須唔須要主動讓座畀年幼嘅小童呢？讓同唔讓又係根據咩原因呢？

【相關小資訊】

根據公共運輸守則，以九巴《乘客須知》為例，第14條款建議讓座予有需要人士，例如長者、殘疾人士、孕婦或帶同嬰幼兒的乘客。另外第22條款則指每位成人乘客可免費帶同最多兩名四歲以下而且不佔座位的兒童乘車。

相關討論：

時下廢青佔中掉磚頭就唔講法例，搭巴士無位坐就拋一大堆巴士附例出黎又乜又七，挨。。。點解香港人變成咁？台灣，韓國，日本啲年輕人完全唔會咁，呢班年輕人真係玩完啦

參考來源