(真人真事) 堂妹嫁人做姐妹, 個MK新郎同班MK仔兄弟真係世界級咁Cheap

2月27日 我阿媽先同我講

大伯3月1日嫁女,要我去做姐妹

真係痴線,點請得假呀,阿媽又要我一定去

果日唯有請SL

2月28日已經whatsapp我堂妹,果日我準備d野

要唔要plan下

點知我堂妹話唔洗點plan嫁啦

到時要我執頭執尾就ok

3月1日 我住天後,我call的士到屯門良景

早上6點準時到我堂妹屋企,以為我係最早到啦

原來我係最遲果個,點解?

因為姐妹得我1個人囉, 最早最遲都係我囉

黎到都好震驚,我堂妹先得果19歲,個肚已經成5,6個月咁大

再睇我大伯果樣, 黑口黑面+polo牛仔褲

喂,你個女出嫁喎,究竟咩事?

之後我堂妹既化妝都係我一手包辦

8點鐘已經準備好哂d野,坐定定等新郎黎接

因為約左9點到屯門婚姻登記處簽紙

點知9點半都未見新郎

我大伯依然若無其事, 而我大嬸一直打電話俾新郎

我發現個新郎都係住良景......

早上10:42 ,有人係咁拍鐵閘

我負責開門

4個人, 2個著哂西裝,1個著短袖T露出佢既手臂上既紋身

個新郎好大聲咁講,接新娘呀,快向左走向右走d開門

而大嬸叫我叫他地做下伏地挺身就開門俾佢地

呢個時間大伯終於出聲話

好嚴肅咁講

正宗伏地挺身 上黎要伸直,落去要過九十度, 做二十下

做左好耐,大伯先計佢地12下, 仲要係3個人加埋12下

我唔小心講左一句,你地3個好似e-kids呀

然後新郎撥一撥佢好長既前陰講,係咩

我心諗,我都未講完人地e-kids 三個加埋會考無5分

你地3個加埋伏地挺身都無15下

之後大嬸講,快D俾埋開門利是就開門啦

個新郎係銀包拎出一百蚊出黎,叫我大嬸找番一蚊俾佢

之後搭輕鐵去屯門政府合署

去到已經12點,遲咁多,班mk新郎唔係以為有得簽呀?

佢地3個就係出面起鬨

我當時真係覺得好瘀.......

最後當然無得簽紙啦

班mk新郎就話去飲個茶慶祝一下

當然我唔知點解想搵個窿捐

同大嬸講,我唔舒服,茶都無飲就閃左返屋企

_______________________________________________

真人真事 絕無吹水 絕無誇大 原汁原味 

比個地方我呻下 到今日我都未能釋懷 仲好想搵窿捐

參考來源