港女做pt girl frd：「打工仔咪又系日日俾老細插~~呢行賺仲多啦！」

見到有絲打話咩做雞就認 唔認不如去做洗碗

我好想講 

其實你地想人認做雞 不過都係睇人折墮最開心既心態

我返過幾份pt 做過m記 馬會 7仔都返過

每一次返呢啲工既時候 我每分每秒都感覺自己同浪費時間無分別

拎住40蚊一粒鐘係度消耗青春 

人地父母有錢既 可以成日去旅行 讀書唔成可以送佢去外國

但我父母乜都無 我唔係怨佢地

我只係知道人係永遠無可能公平

但要我日日返m記賺果一百幾十

我真係接受唔到

自己要讀書 但錢永遠唔夠用 去返十個鐘頭pt賺果幾百

已經人都散哂莫講話溫書 

係做pt girl frd之前我唔敢諗將來 

因為我知道自己無辦法靠出賣呢啲便宜勞力搵最低工資去生存

唔好同我講職業無分貴賤 呢句同人美醜唔重要 最重要係內在美無分別

只係自欺欺人

比起返低賤工種拎最低工資

得閒仲要比啲咸濕阿叔阿伯言語性騷擾甚至摸pat

靠討好男人生存落去實在容易太多

做pt girl frd即使無搞  比人摸/攬/new下已經可以賺到筆非常可觀既收入

最起碼我係做pt girl frd既時候 我完全無返低賤工種果種浪費時間感覺

我用身體討好男人 

我可以搵到好多錢

我可以搵到好多錢去填補人與人之間果份不公平

我可以搵到好多錢同時間去做自己想做既野

除左錢之外 係做其他人pt girl frd期間

我可以切實感覺到被人所需要

而唔係上述低賤工種隨時可以被取代 可有可無感覺

即使工作外 我都會花時間同佢地傾計 

佢地有專業人士 有大我少少年紀學生 甚至有婦之夫

我唔知其他pt girl frd工作模式係點 我自己只係固定做兩三個熟客

到佢地唔再搵我先再接新客慢慢scan

因為呢個年代入網際網路

基本上我ig/論壇出個post 已經幾百人比我揀

我唔需要好似以前既人咁無得揀

太樣衰 太老 太九唔搭八 我通通可以選擇唔接

出過幾次 基本上已經foul走九成騎尼怪

剩低既都係我自己覺得高質/可接受同安全

起碼我比人鎖住手銬黎x 果陣唔會驚佢影我擺上網甚至做其他野

即使過程辛苦少少 但都好快就完 

即使有時會比人侮辱 有時甚至邊喊邊做 覺得自己好低賤

因為唔係個個都會似某啲客咁理人感受

但比起十個鐘m記果種唔知自己做緊乜既絕望 實在好太多太多

至於你話我做pt girl frd即係呃男朋友

我認我係呃 但起碼我有講大話到最後既覺悟

係我眼中 一個大話講到最後就係真實

而呢份講大話到最後既覺悟有好多代價

包括我唔可以似其他ig女神咁經營個幾千followers 既ig 日日自拍拎存在感

識朋友都要好小心謹慎 因為識多個朋友 就多一個機會比人認出黎甚至起底

因為咁我生活好摺

所以你地睇我地唔起唔緊要

但唔好搞笑到叫人公開自己做pt girl frd

話自己睇得起公開自己做pt girl frd既人

現實係點所有人都好清楚

更加唔好講叫人返低賤工做生做死得一萬幾千

我夜晚出黎幾個鐘

有時已經可以賺其他人半個月甚至大半個月人工

日頭其他時間我可以做自己鍾意做既野 

我可以儲錢 我可以規劃將來

呢啲係我返上面啲低賤工永遠都唔敢想像

出呢個post既原因唔係話想美化/或者叫其他女仔去做pt girl frd

只係想你唔好講到返m記做洗碗好高尚咁

做呢啲工種一啲都唔高尚 

即使而家比我揀多一百次

我都唔會有一次選擇返去果啲工作之中

只會後悔點解一開始要浪費時間係果啲地方

m記七仔唔係屬於我既地方 

永遠都唔會係

參考來源