賤男「賣仔還債」搞大肚哄帶返大陸賣..為錢可以去到幾盡？

到左今時今日呢一刻，我已經唔想再因為你而承受我不必要既壓力，由同我認識開始，你就滿口謊言，到我同你一齊唔耐就有左，你為左要我落左個仔，你就同我講話會同我結婚，不斷氹我，之後再話會俾個家我，一齊照顧個bb，你仲氹我叫我俾個仔你拎返大陸俾人湊，事實上你就係想帶佢返大陸賣左個仔幫自己還債！

果陣我仲信你會一齊照顧個仔，之後你有一次發高燒，你打電話俾我，我咩都唔諗即刻去買野食送上你度俾你食，你係病，但你果陣明知我有左已經唔舒服，你都要搞我，之後再同我講要你就落左個仔，有個仔就無你，你迫我係你兩個之中選擇一個，再用藉口同大話黎呃我，講到有咁慘得咁慘去令我相信你順服你去落左個仔，但係我選擇左個仔，離開你，唔想再增加你既負擔，同你講「你努力還曬啲錢先喇，個仔我會好好照顧，到你還完啲錢你想返返黎既就返黎喇，我會係度等你」，

之後你就同我講「你生個仔出黎都係因為想屈我俾錢你」，錢「我由陀住吖b到依家吖b5個月大，我一蚊都無拎過你」，我因為為左唔俾我屋企人知道你既野，同屋企關係變差，到依家都係因為你而搞到同屋企人反面，無家可歸！你開口埋口話我搵人打你搵人搞你屋企人，到我問點解如果有人打你一定係關我事，點解唔係你欠債俾人打？係因為你講咩俾人收數收到返屋企，俾吖媽趕左出門口無屋企返，返工果度又炒左你，一時話住鐵皮屋，一時就話同啲白粉友住劏房，又話無錢食飯又剩，我擔心你，我知我好聲好氣你係唔會俾我幫你，我把口唔叻，只可以用惡劣既態度你先肯屈服，我怕你食唔飽著唔暖，逼你黎見我，至少見面既時候可以俾你食得飽先，點知全部都係大話，你其實係繼續係銅鑼灣間鋪做緊，一直都係逸濤樓住緊，仲話咩唔會再拍拖，因為我既關係怕左拍拖呢樣野，但原來你一早已經同第2條女一齊，

我懷孕既時候有產前抑鬱，你無理過我仲不斷話我鬧我，見到我就拍我個頭，到我生，你話想見我同個仔，到個仔兩個幾月先肯出現，仲要係我要你還返2000蚊俾我，你先望個仔10秒都無，趕住返去陪你條女，到我產後抑鬱你都無理過我，到我見到你終於係whatsapp頭像轉左你同你女朋友張相同狀態度打「對唔住，寶寶」我先知你一直都係度呃緊我！到我問你點解，你就話唔係，佢只係朋友，又話個女仔幫緊佢，之後又改口話只係同朋友玩誠實與大膽先咁做，我蠢但未至於蠢到咁，仲有你吖媽點話我？話個仔唔係你既，話係我出面搞3搞4搞大個肚返黎屈你！果陣我晚晚都係你屋企架！

都係因為你媽講「你唔好係度訓喇，你知吖姨驚咩既，你知吖姨想講咩既」但係果陣我已經有左吖b，而你一句都唔敢同你媽講！又話我推曬啲責任俾你，咁我依家做緊啲咩？因咩搞到同屋企人反曬面？我既責任已經做緊，好好照顧吖b，但係你呢？我逼你內_我？我有無拎刀拎槍逼你內_我？你唔鍾意小朋友所以你唔洗對個仔負責任？之前我愛你心痛你，因為我以為你仲係愛我，我先願意自己承擔一切，但原來你全部都係大話，全部都係為左我唔問你拎錢而講出黎既大話，之後我都無需要再為你諗為你擔心啲咩！你利用我對你既愛同關心，現在你封曬我所有野，無問題，大話講得多係要自己承擔返後果!

參考來源