我又做水魚，俾條港女當我係提款機咁攞錢，最慘係冇得食

話說上星期識咗個女仔.

佢父母雙亡,有情緒病,同一個細佬住公屋.家庭環境唔多好個隻.

約過出嚟幾次.

上過我屋企,但我同佢咩都無做,佢上我屋企睇電視傾計咋.

同佢傾電話時,佢吹風扇,好嘈成日聽唔到佢講乜,問佢點解唔開冷氣呀.

原來佢屋企冷氣壞咗,叫我送部新的俾佢.

咁好啦,鬼叫我冧佢咩.幫佢去凶宅揀咗部一匹機,星期六會有師傅送上佢屋企裝機.

跟住,琴日佢朝早搵我,問可唔可以借一萬俾佢應急.下個月出咗糧會還返俾我.

問清楚係乜事,原來佢兩個月無交租,俾房處追數.唔交可能連屋都無得住.

另外佢又有D咭數.嚟緊又要覆診睇醫生.

我心裡面其實好唔開心,佢又話未準備好同我拍拖,.

又話自己要自由唔想俾人管,連我問佢做緊有時都會俾佢反問,我係咪要管佢?

但要借錢要買嘢就搵我.

因為我真係好鍾意哩個女仔,所以心諗佢唔會還,都借俾佢.

原來我話借$6000.其他要佢細佬負責返一部份,起碼要佢交返租丫.

(因為佢細佬同佢一齊住咁耐,無交過水電無交過租,由部洗費由佢自己一個人頂哂)

但結果我係過咗一萬蚊俾佢.

我咁做係咪好傻呢?只係識咗個幾星期,就為個女仔用咁多錢......

大多數人都對人性感到失望。甚至懷疑人性。

講返我自己，我的家庭教育就係鼓勵我能力範圍之內去幫身邊的人。

哩個教育入咗血。我自己都改唔到。

至於個女仔，佢事實唔係好靚，但有種魅力吸引住我。我唔知點去形容。

原本我以為D錢到咗佢手，佢會開始爽遠我。

但哩幾日佢都好似平時咁同我講傾下計，講下自己發生乜事。

其實一個男人，想去照顧自己鍾意女人係理所當然，我媽嫁我老豆之後無打過工，直至我外婆檔生意要人繼承我媽先再出嚟工作。

如果我能力所及，我希望養佢一世。當然只係養佢一個，唔包佢個個唔生性的細佬。

當然我哩個諗法係建基於佢無呃我之上。

如果佢立心呃我的話，我都無話可說。我改名做水魚算啦。

參考來源