有個PC仔抄完我女朋友牌之後私底下whatsapp佢

事緣是咁的我琴日約左女朋友係機鋪等，仲有啲朋友係個邊，咁我個日好死唔死遲到左 ，去到個陣女朋友msg我話佢地一行5個人比幾個便衣查牌，出左機鋪外面。我嚟到個陣啲差佬已經走曬，女朋友話個差佬記低曬佢地既電話號碼同名，心諗都算正常。

  但女朋友話幾個便衣入面其中有個係咁同佢地傾計，咁我女朋友做幼稚園老師，佢話想順便幫啲小朋友問下警察既問題，姐係問下警察條腰孭咁多野重唔重之類 事後我啲朋友都話個個人好鬼煩，好彩我女朋友問住佢 

然後今日女朋友打比我，佢話個差佬無啦啦whatsapp 佢撩佢講野，內容大概係咁

 ：你知唔知我係邊個？

 ：你係邊個？

 ： 我係琴日機鋪個警察呀

跟住個差佬講講下啲狗公格上曬嚟，問我女朋友咩職業同住邊，同埋問埋我女朋友個男朋友既職業同地址

（補充一下：其實佢只係想試下我女朋友有無男朋友  ）我女朋友話個到入面無佢男朋友

 ：哦⋯⋯以為邊個（我朋友）係你男朋友添

 ：唔係你自己問返佢啦

 ：私心問下

你有無男朋友

 ：有呀

 ：唉呀

 ：不過都估到

 ：做咩？

 ：無（掩眼emoji ）

 ：你當我冇問過啦

 ：不過你唔洗同你d fd講返話我有搵你想問下咁多位巴打，個差佬咁做有無違規？

我聽個朋友講可以告鳩個差佬，係唔係真？  利申：任何情況下我都唔想搞大件事，所有聽返嚟既野都係用嚟維繫我同我女朋友既感情

參考來源