夏天大忌！狂飲凍飲對身體壞處多，勿為一時冰涼快感，換來頭痛、大肚腩〜！！

夏天大忌！狂飲凍飲對身體壞處多，勿為一時冰涼快感，換來頭痛、大肚腩〜！！

夏天又熱又焗，走入餐廳，第一件事當然想叫杯凍檸茶消消暑！雖然凍飲透心涼，但無論中西醫角度，都認為凍飲對我地身體並非健康，就連藝人陳錦鴻都戒咗凍飲27年，但到底凍飲對身體有幾差，成個夏天就真係唔可以再飲凍飲？

心跳減慢見頭暈？

一般人飲凍飲都並無太大問題，但本身心跳過慢嘅病人，如果一時貪口爽，飲下凍飲會刺激喉嚨同食道中嘅迷走神經，會令心跳隨之減慢，甚至岀現頭暈症狀。

大肚腩全因飲凍飲？

中醫指常飲凍飲會令造成痰濕，容易感到疲倦，而經脈中氣血不暢，令脂肪停聚局部位置，例如積聚於腹間形成中央肥胖，導致大肚腩岀現；而西醫角度來看，凍水會令胃內食物油份凝固，令油脂類食物變得較難消化，身體容易變肥。

腸胃問題會加劇？

飲凍水會令脾胃虛弱，除咗容易疲累，有氣無力之外，會更容易出現胃氣胃痛胃漲等問題，而脾胃主要係輸送水液同營養物質到身體不同地方，抵抗力都容易變差。

凍飲令經期更難受？

經期期間，女性氣血不足，再飲凍飲會令氣血凝滯，特別係平和、虛寒體質及抵抗力弱者，就要更加小心。

想戒凍飲，點開始好？

小編以前都係非凍不飲，但為咗健康，大多數時間都只會飲熱檸水，無加糖的話，10個卡路裡都無；亦可以選擇熱菜蜜／柚子蜜，相對汔水更健康，又唔怕口淡淡。

Photo by Pinterest

如果真係好熱／食辣嘢時，就記得叫少冰（或者要室溫飲品），甚至喺口中先含後飲，球場上嘅足球員都係先飲一口，含住先再飲/吐出，除能先為口腔降溫，咁樣可以令向大腦傳送冰涼訊息，再飲時又唔會令食道和胃壁急速收縮，大家不妨試嚇〜

Photo by Pinterest

參考來源