玩交友apps溝到個女仔，佢一出到黎就叫我做老公仔，仲影左我2000幾蚊貼紙相添..真係好sweet..你地恨唔到架喇

小弟三十三歲...無拍過拖...本身鐘意打下機同玩單反...而家係X馬時速遞做速遞員... 

我同佢係玩交友apps識..係facebook傾左一個星期...佢同我講好想做我老婆呀..咁我地就係facebook in a relationship,拍左兩日拖..就出見面...嘻嘻..佢個樣Ok呀.. 佢一見到我..就話好掛住我..同埋送左個白蓮蓉月餅俾我做禮物..之後佢同我去左影貼紙相..影左好多好多....差唔多影左$2000蚊...之後佢問我有乜禮物送俾佢..我問佢想要乜..佢話想要iphone7...但係未出,唯有同佢出左部iphone7...重買左個小海綿case俾佢..佢好開心呀...之後去左食日本野..食左$800.... 

尋晚真係好開心!我覺得佢好純情呀~佢全程都唔敢拖我隻手...佢同我講,中秋節會帶埋我送俾佢果部iphone出來同我一齊玩自拍....我好開心好期待呀.....原來拍拖係呢d感覺..真係好sweet....等我重係ps4 game鋪 訂左隻game,諗住放假果幾日假係屋企收埋打..我尋晚經過間鋪..同個賣家講 :我有拖拍啦..我唔需要你隻game啦..我唔會要的了..之後果個賣家呆左,.嘿..個死毒男真係呢...我果刻完全feel到佢酸到出汁啦....

我訓前打左俾佢..不過佢無聽電話...可能訓左..我whatsapp佢,同佢講miss you) good night...之後佢whatsapp俾我話 : ok thx..... 

嘻嘻嘻...雖然尋晚用左成份糧..不過ok la....拍拖緊係咁架啦....下次出;問埋佢個名同問佢幾歲先... 祝大家都搵到自己愛的人呀! 加油豬唷 )

參考來源