同歡場妹結左婚兩年，而家佢又出黎再做,又接返客

老婆係四川人，早幾年係歡場認識

佢係假結婚黎香港既

黎左香港居住七年拎左永久身份證

跟住同假結婚果個人離婚回復單身

而當時我係一個單身漢，就係呢個時候一次偶爾既機會幫襯左佢一次，就開始沉左，一星期一次，

之後每隔2日就去一次，有時淨係比錢同佢傾計攬下咁，總之就係好想見佢

慢慢就繼續深沉落去，想娶左佢。

不過自己知自己事啦，每月搵得果一萬蚊幾千

而佢係我既5，6倍，娶左佢之後又唔知佢會唔會出返黎做，之後就無諗啦

點知過左半年，佢話有左我BB，想生佢出黎，問我會唔會同佢結婚

我果陣好愕然，心情真係唔識點形容

第一時間緊係諗個BB係咪真係我先啦！

我左諗右諗，最後決定同佢結左先算啦，因為真係好愛佢，最後生左個女，亦驗左DNA，的而且確係我既骨肉

我果陣終於鬆左一口氣，生活初初果一年都幾warm幾開心，但近幾個月見到老婆既行為又有d古怪

成日偷偷地傾電話，又成日微訊咁

我就開始懷疑佢又做返呢行...

或者去左勾佬，因為成日同佢出街都比d麻甩佬眼望望

問多佢兩句又發脾氣話我唔信佢

又話不如同佢離婚，個女比返我咁

我真係好辛苦，好傷心，宜家返工都神不守舍，工作變得好多甩漏，成日比老細咋型，好煩好想死左佢算數

參考來源